भजनमैं 38:6 - परमेश्‍वरए ताँ तमु क्युइर

⁶ ङ कुरयासि त्हुलर्न क्हुरयाल् खाँइमुँ, छतसि शोकइ लमा ङ त्हिंतिमिंन् क्रो प्ररिल् त्हुइमुँ।

भजनमैं 38:6 ပူးပေါင်းရင်းမြစ်များ

भजनमैं 107:17

को-कोइ ह्रोंसइ लबै आछ्याँबै केमैंइ लमा मुर्ख तइ, धै ह्रोंसए अपराधइ लमा बेल्‍ले दुःख योंइ।

भजनमैं 145:14

क्हुरियाब्मैं ताँनलाइ याहवेहजी ल्होमिंम्; आगुइ प्लेथेंब्मैं ताँनलाइ खीजी रेमिंम्।

भजनमैं 31:10

तलेबिस्याँ ङए छ्ह दुःखर, नेरो ङए त्हिंइमैं शोकर थोइमुँ, ङइ लबै आछ्याँबै केमैंइ लमा ङए भों नुयाइमुँ, धै ङए ह्रिब्मैं या ङ्युयाइमुँ।

भजनमैं 35:14

ङए थुमैं नेरो ङए आघें अलिमैंए ल्हागिर न्हुँ लब् धोंलेन् ङइ चमैंए ल्हागिर न्हुँ लमल; ह्रोंसए आमाए ल्हागिर शोक लब् धोंले, ङइ क्र कुरसि चमैंए ल्हागिर शोक लइ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:9

ङए परमेश्‍वरने, ङ लोबै पाराने, ङइ बिम्: “क्हिजी तले ङ म्‍लेल? शत्तुरमैंइ क्र ओल् आपिंसि ङ तले न्हुँ लसि प्ररिल् त्हुइमुँ?”

भजनमैं 43:2

तलेबिस्याँ, ओ परमेश्‍वर, क्हिए प्हलेर्न ङइ ग्वार योंम्। ङलाइ तले पिवाल? शत्तुरमैंए योर फेसि ङ तले क्रोप्ररिल् त्हुइमुँ?

भजनमैं 57:6

ङए प्हले क्होसि क्हुरयारिगे बिसि शत्तुरमैंइ जाल तिइमुँ; शोकइ लमा ङए क्र कुरयाइमुँ। ङ प्रल् त्हुबै घ्याँजरे चमैंइ होंल्दों ताइमुँ, दिलेया चमैंइ ताबै होंल्दोंर खेंमैंन् पायाइमुँ। तिस्याँदे मैंन्

भजनमैं 6:6

ङ क्रोसि तोइ लल् आखाँब् तइमुँ; म्हुँइँस ह्रोंसे ङ क्रो-क्रोइ ङए क्ह्‍ल्यो प्हाँइमुँ, धै ङए मिग्लिइ ङए क्रेगु या प्हाँइमुँ।

भजनमैं 88:9

शोकइ लमा ङए मिइ छेनाले म्रोंल् आखाँ। ओ याहवेह, त्हिंइ ह्रोंसे ङ क्हिनेन् ग्वार ह्रिइमुँ; ङए यो क्हि ङाँइन स्योंइमुँ।