भजनमैं 38:10 - परमेश्‍वरए ताँ तमु क्युइर

¹⁰ ङए तिं ढुक्-ढुक् तइमुँ; ङने भों आरे, ङए मि या आम्रोंब् तयाल् खाँइमुँ।

भजनमैं 38:10 ပူးပေါင်းရင်းမြစ်များ

भजनमैं 119:123

क्हिजी खोंयों जोगेमिंब् ङ्‍हे? धै क्हिजी फैबै क्ह्रोंसेंन्बै बाछा खोंयों पिंब् ङ्‍हे? बिसि ङए मि छेन्ले आम्रोंब् तल् खाँइमुँ;

भजनमैं 31:10

तलेबिस्याँ ङए छ्ह दुःखर, नेरो ङए त्हिंइमैं शोकर थोइमुँ, ङइ लबै आछ्याँबै केमैंइ लमा ङए भों नुयाइमुँ, धै ङए ह्रिब्मैं या ङ्युयाइमुँ।

भजनमैं 42:1

फोइ क्यु पिसि स्योंर्बै क्यु म्हैब् धोंले, ओ परमेश्‍वर, ङए सोज्यै या क्हिन् म्हैरिमुँ।

भजनमैं 6:7

न्हुँइ लमा ङए मि आचारब् तइमुँ; ङए शत्तुरमैंइ दुःख पिंबइले ङ छेनाले म्रोंल् आखाँब् तइमुँ।

भजनमैं 69:3

ल्होमिंन् बिसि ओरन-ओरन ङ नारइमुँ; ङए म्‍लोंगो कारयाइमुँ। ङए परमेश्‍वरए घ्याँ ङ्ह्‍योन-ङ्ह्‍योन् ङ‍ए मि छेनाले म्रोंल् आखाँब् तइमुँ।

भजनमैं 88:9

शोकइ लमा ङए मिइ छेनाले म्रोंल् आखाँ। ओ याहवेह, त्हिंइ ह्रोंसे ङ क्हिनेन् ग्वार ह्रिइमुँ; ङए यो क्हि ङाँइन स्योंइमुँ।