भजनमैं 37:4 - परमेश्‍वरए ताँ तमु क्युइर

⁴ याहवेहनेन् सैं तोंन्, धै खीजी क्हिए सैंर मैंबै ताँमैं योमिंब्मुँ।

भजनमैं 37:4 ပူးပေါင်းရင်းမြစ်များ

भजनमैं 104:34

ङइ खीए बारेर मैंबै ताँमैं खीजी खोरिगे, तलेबिस्याँ ङ याहवेहर सैं तोंरिम्।

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

हितोपदेश 10:24

तो सैने दुष्‍ट म्हि ङ्हिंमुँ, च सैन् चए फिर तखब्मुँ, दिलेया ठिक के लब्मैंए सैंर मैंब पूरा तब्मुँ।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,