भजनमैं 37:23 - परमेश्‍वरए ताँ तमु क्युइर

²³ म्हिइ लबै केमैं याहवेहजी खोइ बिस्याँ च प्रल् त्हुबै घ्याँर खीजीन् चलाइ डोरेम्।

भजनमैं 37:23 ပူးပေါင်းရင်းမြစ်များ

भजनमैं 119:133

क्हिजी फैबै बाछाइ बिब् धोंलेन् ङलाइ ठिक घ्याँर डोरेमिंन्, तोइ सैज्यै या ङलाइ पापर च्होवाल् आखाँरिगे।

भजनमैं 119:5

क्हिए निसाफमैं ङिंबै ल्हागिर ङल आछ्याँबै घ्याँर प्रबै सैं आखस्याँ कति छ्याँब् तमल!

भजनमैं 121:3

खीजी क्हिए प्हले प्लेल् पिंरिब् आरे; क्हिए रक्षा लबर खी खैंमइ न्हरु च्हुइरिब् आरे।

भजनमैं 121:8

क्हि बैरु ह्‍यामा न्होंर खमा खनि ह्‍यालै या याहवेहजी क्हिए रक्षा लमिंब्मुँ, तोगोउँइँले खोंयोंन् बिलै।

भजनमैं 17:5

क्हिजी प्रद् बिबै घ्याँर ङए प्हलेइ भोंन्‍ले म्हैमुँ, धै ङए प्हले आप्लेइमुँ।

भजनमैं 40:2

खीजी ङलाइ नास तबै होंल्दोउँइँले नेरो हिलए ढाबउँइँले तेसि पखइ, खीजी ङए प्हले पाराए फिर थेंमिंइ, धै ङ राबर भोंबै क्‍ल्‍ह्‍यो पिंइ।

भजनमैं 40:3

खीजी खीए मिंलाइ थेब् लबै ल्हागिर छारा क्वे घ्रि ङए सुँर थेंमिंइ, छतसि ङ्योए परमेश्‍वरए मिं थेब् लबै क्वे ङइ प्रिंइ, छाब् म्रोंसि म्हिमैं हार म्हाँदिसि ङ्हिंब्मुँ, धै याहवेहए फिर्न चमैंइ भर थेंब्मुँ।

भजनमैं 85:13

परमेश्‍वरजी लबै ठिक केमैं खीए ओंसों-ओंसों ह्‍याब्मुँ, धै खीए ल्हागिर घ्याँ तयार लब्मुँ।

हितोपदेश 11:1

छलु म्हिलु लबै पारा याहवेहजी आखो, दिलेया ठिक वजन मुँबै ढकइ छेन्ले क्वेस्याँ खी सैं तोंम्।

हितोपदेश 11:20

आछ्याँबै सैं मुँबै म्हिलाइ याहवेहजी आखो, दिलेया ठिक के लप्रबै म्हि म्रोंसि खी सैं तोंम्।

हितोपदेश 16:9

म्हिइ ह्रोंसए सैंर छ लमुँ, छु लमुँ बिमुँ, दिलेया चइ लल् त्हुबै केर याहवेहजीन् डोरेम्।

हितोपदेश 4:26

क्हिइ लबै केमैं ताँन् छ्याँब तरिगे बिसि। क्हिइ च्हैंसि-मैंसि के लद्;

हिब्रू 13:16

घ्रिइ घ्रिने छ्याँबै के लब नेरो ह्रोंसने मुँबै सै फा-फु चुब आम्‍लेद्, तलेबिस्याँ छाबै ख्रोमैं म्रोंसि परमेश्‍वर सैं तोंम्।