भजनमैं 36:7 - परमेश्‍वरए ताँ तमु क्युइर

⁷ ओ याहवेह, क्हिए खोंयोंइ आनुबै म्हाँया बेल्‍ले थेब मुँ! ताँन् म्हिमैंइ क्हिए प्ह्‍यागोमैं न्होंर ग्वार योंम्।

भजनमैं 36:7 ပူးပေါင်းရင်းမြစ်များ

भजनमैं 139:17

ओ परमेश्‍वर, ङए ल्हागिर क्हिए बिचारमैं सै ल्हें फेबै सैमैं भन्दा थेब मुँ! चमैं च्योसे च्योल् आखाँब मुँ!

भजनमैं 17:8

क्हिए मिफुँ धोंले ङ जोगेसि थेंमिंन्।

भजनमैं 31:19

क्हिलाइ मान लब्मैंए ल्हागिर क्हिजी साँथेंबै छ्याँबै सैमैं कति थेब मुँ! क्हिए प्हलेर्न ग्वार योंब्मैंलाइ क्हिजी च छ्याँबै सैमैं पिंब ताँन् म्हिमैंइ म्रोंइमुँ!

भजनमैं 57:1

ङए फिर ल्हयो खमिंन्, ओ परमेश्‍वर, ल्हयो खमिंन्! क्हिए प्हलेर्न ग्वार योंबर ङ खइमुँ; चु दु:ख पिंबै सैंमैं आस्योवान् समा क्हिए प्ह्‍यागोंए न्होंर्न ङइ ग्वार योंब्मुँ।

भजनमैं 63:7

तलेबिस्याँ क्हिजी ङ ल्होमिंइमुँ, छतसि ङ क्हिए प्ह्‍यागोंमैंए छरि न्होंर सैं तोंसि क्वे प्रिंमुँ।

भजनमैं 71:19

ओ परमेश्‍वर, क्हिजी लबै ठिक निसाफ मु समा फेनेम्, क्हिजी थेबै केमैं लइमुँ। ओ परमेश्‍वर, क्हि धों तब खाब् मुँ?

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

भजनमैं 91:4

खीजी ह्रोंसए प्ह्‍यागोंइ क्हिलाइ हुमिंब्मुँ, धै खीए प्ह्‍यागों न्होंर क्हिइ ग्वार योंब्मुँ; खी भर लल् खाँबै परमेश्‍वर ग, छतसि ढाल तसि खीजी क्हिलाइ रक्षा लमिंम्।

प्रस्थान 34:6

च लिउँइँ याहवेह चए ओंसोंउँइँले ह्‍यासि छ बिसि ओरइ, “याहवेह, याहवेह! ङ म्हिमैंए फिर बेल्‍ले म्हाँया नेरो ल्हयो खबै पइरमेश्‍वर ग! ङ युनन् ह्रिस आख, थेबै म्हाँया लमुँ, भर पर्दिल् खाँब् मुँ।

लूका 13:34

झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

यूहन्‍ना 3:16

तलेबिस्याँ खीए च्हए फिर बिश्‍वास लब्मैं खाबै या नास आतरिगे, बरु खोंयोंइ आनुबै छ्ह योंरिगे बिसि परमेश्‍वरजी ह्‍युलर्बै म्हिमैंने ल्‍हें म्हाँया लसि खीए घ्रि दे मुँबै च्‍ह पिंइ।

२ पत्रुस 1:4

छलेन ह्रोंसए सैंउँइँले खबै आछ्याँबै केमैं लब् पिरिगे, धै क्हेमैंइ छ्याँबै बानि ब्योरउँइँले परमेश्‍वरजी लब् धोंबै छ्याँबै केमैं लरिगे बिसि खीजी बाछा फैब् धोंले ङ्योलाइ सै ल्हें फेबै बरदानमैं पिंइमुँ।

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।

रूथ 2:12

छले छ्याँबै के लबइले क्हिए फिर इस्राएलए परमेश्‍वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”