भजनमैं 36:4 - परमेश्‍वरए ताँ तमु क्युइर

⁴ क्‍ल्‍ह्‍योर रोरिमै या चइ आछ्याँबै चाँजोमैंन् लरिम्; छतसि च आछ्याँबै घ्याँर्न प्रम्; छले चइ आछ्याँबै केमैंन् लप्रम्।

भजनमैं 36:4 ပူးပေါင်းရင်းမြစ်များ

एस्तर 5:14

चु ताँ थेसि चए प्ह्रेंस्यो जेरेश नेरो चए ताँन् थुमैंइ बिइ, “चलाइ च्योसि सैवाबै ल्हागिर ङ्हिंस्युसे ङ्‍ह मिटर नुबै त्हो क्योदु, धै प्हान्हा न्हाकर्न च त्होर मर्दाकैलाइ च्योवासि सैबर ल्हैदिद् बिसि म्रुँने बिदु। च लिउँइँ सैं तोंदै म्रुँने बालु म्रुँस्योइ ह्‍योथेंबै चब् चबर ह्‍याद्।” छबिमा चु ताँ हामानइ बेल्‍ले छ्याँब ङ्हाँइ, धै चइ मोर्दकै च्योवाबै ल्हागिर त्हो क्योबर ल्हैदिइ।

एस्तर 6:4

छबिमा म्रुँइ “चोकर खाब् मुँ?” बिसि ङ्योएइ। च त्हेर्न हामानइ मोर्दकै च्योब बिसि चइ बनेबै त्हो क्योसि म्रुँने च ताँ बिबर दरबारर्बै चोकर फेखल।

भजनमैं 38:12

ङलाइ सैल् म्हैब्मैंइ ङ सैबै ल्हागिर ङो चुम्; ङए न्होह्रों लल् म्हैब्मैंइ ङलाइ सैबै मत लम्। छले चमैं खोंयोंन् बिलै ङए बिरोधर जाल रोरिम्।

भजनमैं 52:3

छ्याँबै के भन्दा आछ्याँबै के क्हिइ खोम्, धै क्ह्रोंसेंन्बै ताँ भन्दा स्योलिबै ताँमैं क्हि पोंम्। तिस्याँदे मैंन्

भजनमैं 97:10

याहवेहने म्हाँया लब्मैं ताँनइ आछ्याँबै केमैं लब पिवारिगे! तलेबिस्याँ खीजी ह्रोंसए म्हिमैंलाइ रक्षा लमिंम्; धै दुष्‍टमैंए योउँइँले चमैं फ्रेमिंम्।

हितोपदेश 24:2

तलेबिस्याँ चमैंइ आगुए न्होह्रों लबै ताँमैं मैंरिम्, धै चमैंए सुँइ आत-आतबै ताँमैं पोंम्।

हितोपदेश 24:23

म्हि ङ्ह्‍यासि निसाफ लल् आत।

हितोपदेश 4:16

तलेबिस्याँ दुष्‍ट म्हिमैं आछ्याँबै केमैं आलन् समा रोल् आखाँ; धै आगुए न्होह्रों आलन् समा न्हरु आख।

मत्ती 27:1

न्‍हाँक्‍कर्न, ख्रो पिंबै ताँन् खेगि चिब्मैं नेरो यहूदी चिबनाँब्मैंइ येशूलाइ सैब् बिसि खीए बिरोधर मत लइ।

चेला चिब्मैंए केमैं 23:12

न्हाँगर मि म्रोंबै लिउँइँ यहूदीमैंइ खेंमैंए न्होंर मत फैसि “पावल आसैन् समन् ङि तोइ आच तोइ आथुँ,” बिबै कसम चइ।

रोमी 1:32

छाबै म्‍हिमैं ताँन् सिल् त्हुम् बिसि परमेश्‍वरए छ्वेर प्ह्रिबै ताँ चमैंइ सेना बिलेया चमैंइ च केन् लम्। च्‍हौ मत्‍त्रे आङिं, अझै उल्‍टो च आछ्याँबै के लब्‍मैंने या क्ह्रिम्।

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।