भजनमैं 34:4 - परमेश्‍वरए ताँ तमु क्युइर

⁴ ङइ याहवेहने ग्वार ह्रिमा खीजी ङलाइ ज्वाफ पिंइ धै ङलाइ ङ्हिंन् लबै ताँन् सैमैंउँइँले ङ फ्रेमिंइ।

भजनमैं 34:4 ပူးပေါင်းရင်းမြစ်များ

भजनमैं 18:6

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 31:22

ङ्हिंबै त्हेर ङइ बिइ, “क्हि ङाँइँले ङ ह्रेंगो तइमुँ।” दिलेया ल्होमिंन् बिसि क्हिने ग्वार ह्रिमा क्हिजी ङए ताँ थेमिंइ।

भजनमैं 35:27

“चम् ठिक के लबै म्हि ग,” बिसि ङए बारेर छ्याँबै ताँ पोंब्मैं सैं तोंसि छिं ङ्हाँल् योंसि कै तेरिगे। “ह्रोंसए के लबै म्हिल बिब् धों पोंब् धों तब् म्रोंसि याहवेह सैं तोंइमुँ। छतसि खीए मिं थेब् तरिगे!” बिसि चमैंइ खोंयोंन् बिरिगे।

भजनमैं 40:17

ङ बिस्याँ आयोंब् नेरो आख्युब मुँ, दिलेया प्रभुजी ङलाइ मैंम्। क्हिजी ङलाइ ल्होसि ताँन् दुःखउँइँले फ्रेमिंम्। ओ ङए परमेश्‍वर, युनन् यमिंन्।

भजनमैं 46:2

छतसि ह्‍युल लालेया, मा ङ्युँइर कोंमैं तेयालेया,

भजनमैं 56:3

छतसि ङ ङ्हिंमा ङइ क्हिए फिर्न भर थेंम्।

योना 2:2

छ बिइ: “थेबै दु:ख तसि ङइ याहवेहने ग्वार ह्रिइ, धै खीजी ङने ज्वाफ पिंइ; क्रोंर्बै गैरो क्ल्ह्‍योउँइँले ङइ ग्वार ह्रिइ, धै क्हिजी ङए कै छेनाले थेमिंइ।

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

लूका 11:9

“छतसि ङ क्‍हेमैंने बिमुँ, तो सै चैदिमुँ ह्रिब्रें लद्, झाइले परमेश्‍वरजी पिंब्‍मुँ। म्‍हैब्रें लद् क्‍हेमैंइ स्याब्‍मुँ। म्रार ह्राब्रें लद् क्‍हेमैंए ल्हागिरि खीजी म्रा थोंमिंब्‍मुँ।

२ तिमोथी 1:7

तलेबिस्याँ परमेश्‍वरजी ङ्योलाइ ङ्हिंबै सैं आङिं, दिलेया भोंबै सैं, म्हाँया लबै सैं नेरो आछ्याँबै के आल बिसि ह्रोंसए सैं फैल् खाँबै पबित्र प्ल्ह पिंइमुँ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।