भजनमैं 32:6 - परमेश्‍वरए ताँ तमु क्युइर

⁶ छतसि क्हिलाइ त्होल् खाँबै त्हे मुँमन् क्हिजी बिब् ङिंब्मैं ताँनइ प्राथना लरिगे। छलमा प्ल्हों खबै भेल्गज्यै या चमैंलाइ छुइरिब् आरे।

भजनमैं 32:6 ပူးပေါင်းရင်းမြစ်များ

भजनमैं 144:7

नुबै क्‍ल्‍ह्‍योउँइँले ह्रोंसए यो स्योमिंनु, प्ल्होंखबै बाडि नेरो आगुए ह्‍युलर्बै म्हिमैंए योउँइँले ङ जोगेमिंसि फ्रेमिंनु।

भजनमैं 4:3

दिलेया याहवेहजी खीजी बिब् ङिंब्मैंलाइ ह्रोंसए ल्हागिर स्यो लथेंइमुँ बिब क्हेमैंइ सेद्; ङइ ग्वार ह्रिमा याहवेहजी थेब्मुँ।

भजनमैं 40:3

खीजी खीए मिंलाइ थेब् लबै ल्हागिर छारा क्वे घ्रि ङए सुँर थेंमिंइ, छतसि ङ्योए परमेश्‍वरए मिं थेब् लबै क्वे ङइ प्रिंइ, छाब् म्रोंसि म्हिमैं हार म्हाँदिसि ङ्हिंब्मुँ, धै याहवेहए फिर्न चमैंइ भर थेंब्मुँ।

भजनमैं 42:7

मा ङ्युँइए क्यु प्ल्होंइ खमा क्हिए ताँन् क्युए भेल्गमैं नेरो मा ङ्युँइर्बै क्युमैंइ ङए सैं खैता-खैता ङ्हाँन् लवाइमुँ।

भजनमैं 91:7

क्हिए रेर हजार घ्रि म्हि धै क्हिए क्योलो योउँइँ हजार च्यु म्हि क्हुरियाले या च सैइ क्हिलाइ स्यारिब् आरे।

हितोपदेश 1:28

“च त्हेर क्हेमैंइ ङने ग्वार ह्रिब्मुँ, दिलेया ङइ थेरिब् आरे; चमैंइ दु:खले ङ म्हैप्रब्मुँ दिलेया चमैंइ ङ स्यारिब् आरे।

यूहन्‍ना 7:34

च त्‍हेर क्‍हेमैंइ ङलाइ म्‍हैब्‍मुँ, दिलेया स्यारिब् आरे। तलेबिस्याँ ङ ह्‍याबै क्‍ल्‍ह्‍योर क्‍हेमैं खल् आखाँ।”

२ कोरिन्थी 1:4

ङ्योए ताँन् दुःखर खीजी ल्होमिंसि सैं क्‍होल् लमिंम्। छतसि खीजी ङ्योए सैं क्‍होमिंब् धोंले ङ्योज्‍यै या अरूमैंए फिर दुःख तमा ल्होमिंसि चमैंए सैं क्‍होमिंल् खाँम्।

२ कोरिन्थी 6:2

तलेबिस्याँ “क्‍हेमैंइ ग्वार ह्रिमा ङइ क्‍हेमैंए ताँ थेइ, झाइले जोगेमिंबै त्हिंइर ङइ क्‍हेमैंलाइ ल्होमिंइ।” बिसि परमेश्‍वरजी बिइमुँ। थेद्, परमेश्‍वरए दयाम्हाँया योंबै त्हे तोगोंन् ग, मुक्‍ति योंबै त्हिंइ तोगोंन् ग।

१ तिमोथी 1:16

धै पापिमैं न्होंरि ताँन् भन्दा ल्हें पाप लबै म्‍हि ङ मुँनबिलेया खीए फिर बिश्‍वास लसि खोंयोंइ आखाँबै छ्ह योंब्‍मैं ताँनए ल्हागिर ङ नमुना तरिगे बिसि येशू ख्रीष्‍टए सैदिबै शक्‍ति ङउँइँले म्हिमैंइ म्रोंरिगे बिसि परमेश्‍वरजी ङए फिर ल्हयो लइ।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।