भजनमैं 32:11 - परमेश्‍वरए ताँ तमु क्युइर

¹¹ ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 32:11 ပူးပေါင်းရင်းမြစ်များ

भजनमैं 125:4

ओ याहवेह, छ्याँब लब्मैंलाइ छ्याँबन् लमिंन्, छलेन छ्याँबै खों प्ह्‍याब्मैंलाज्यै या छ्याँबन् लमिंन्

भजनमैं 32:2

छाबै म्हिलाइ याहवेहजी दोषि आठर्दि, छले आछ्याँबै सैं आरेबै म्हिए फिर खीजी आशिक पिंम्।

भजनमैं 33:1

ओ ठिक के लब्मैं, सैं तोंदै याहवेहए मिंर भजन प्रिंन्! छ्याँबै सैं प्ह्‍याब्मैंइ खीए मिंर क्वे प्रिंब ङ्‍हेंम्।

भजनमैं 5:11

दिलेया क्हि ङाँइँले ग्वार योंब्मैं सैं तोंरिगे, धै चमैं खोंयोंइन सैं तोंदै क्वे प्रिंरिगे। धै क्हिए मिंलाइ म्हाँया लब्मैं क्हिनेन् सैं तोंरिगे बिसि चमैं जोगेमिंन्।

भजनमैं 64:10

ठिक के लब्मैं याहवेहनेन् सैं तोंब्मुँ, धै खीए प्हलेर्न ग्वार योंम्। सोजो म्हिमैं ताँनइ खीए मिं थेब् लब्मुँ!

भजनमैं 68:3

दिलेया ठिक के लब्मैं बिस्याँ सैं तोंरिब्मुँ; चमैं परमेश्‍वरए उँइँर सैं तोंरिगे; चमैं सैं तोंबै कै तेरिगे!

भजनमैं 7:10

परमेश्‍‍वरन् ङए ढाल ग, छ्याँबै खों मुँब्मैं खीजी जोगेमिंम्।

भजनमैं 97:1

याहवेहजी ग्याल्स लम्, पृथ्‍बी सैं तोंरिगे; मा ङ्युँइर्बै कोंमैं सैं तोंरिगे!

भजनमैं 97:12

ओ ठिक के लब्मैं, याहवेहने सैं तोंन्, धै खीए पबित्र मिंर धन्यबाद पिंन्!

भजनमैं 98:4

ओ ताँन् ह्‍युलर्बै म्हिमैं, सैं तोंदै याहवेहए मिंर कै तेद्; सैं तोंदै क्वे प्रिंसि खीए जयजय लद्।

रोमी 5:11

च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।

फिलिप्पी 3:1

ओ अलि-अङाँमैं, आखिरि बिलन् त्हुबै ताँ चु मुँ: प्रभुने घ्रिन् तसि खोंयोंन् बिलै सैं तोंन्। क्हेमैंने ओंसोंन् बिल् खाँबै ताँमैं धबै प्‍ह्रिबर ङ छोरों आङ्हाँ, तलेबिस्याँ चु ताँमैंइ क्‍हेमैंलाइ आछ्याँबै घ्याँर प्रबउँइँले जोगेमिंमुँ।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।