भजनमैं 32:10 - परमेश्‍वरए ताँ तमु क्युइर

¹⁰ दुष्‍ट म्हिमैंइ ल्हें दुःख योंल् त्हुब्मुँ, दिलेया याहवेहए फिर भर लब्मैंलाइ बिस्याँ खीजी खोंयोंइ आनुबै म्हाँया लसि रक्षा लमुँ।

भजनमैं 32:10 ပူးပေါင်းရင်းမြစ်များ

भजनमैं 11:6

आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

भजनमैं 140:11

आगुलाइ स्यारब्मैं चु ह्‍युलर टिल् आयोंरिगे, म्हिसैमैं युनन् नास तबर फेरिगे!

भजनमैं 146:5

याकूबए परमेश्‍वरजी ल्होमिंबै म्हिइ आशिक योंम्, ह्रोंसए याहवेह परमेश्‍वरने चइ आशा लम्।

भजनमैं 147:11

दिलेया याहवेहलाइ मान लब्मैं नेरो खीए खोंयोंइ आनुबै म्हाँयार भर लब्मैंने खी सैं तोंमुँ।

भजनमैं 16:4

दिलेया अरू देउतमैंए लिलि प्रब्मैंइ ह्रोंसए फिर्न ल्हें दुःख थौदिम्। च देउतमैंए मिंर कोए ख्रो ङइ पिंरिब् आरे, धै ङए सुँइ चमैंए मिं किंरिब् आरे।

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 34:8

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

भजनमैं 40:4

थेब् प्हैंब्मैं ङाँइ आङ्ह्‍योब, धै स्योलिबै देवतामैं ङाँइ ल्हैदिब्मैंने आत्हुँब, याहवेहए फिर्न भर थेंब, छाबै म्हिइ आशिक योंब्मुँ। 1

भजनमैं 5:12

तलेबिस्याँ ओ याहवेह, ठिक के लब्मैंलाइ क्हिजी आशिक पिंम्, ढालइ धोंले क्हिए म्हाँयाजी चमैं जोगेमिंब्मुँ।

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

हितोपदेश 13:21

पापिमैं खना ह्‍याले दुःखन् योंमुँ, ठिक के लबै म्हिइ आशिक योंम्।

हितोपदेश 16:20

लोदा सैंदा लमा छेनाले ङिंबै म्हिल बिब् धों तब्मुँ, याहवेहए फिर भर थेंब्मैंइ आशिक योंब्मुँ।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।