भजनमैं 32:1 - परमेश्‍वरए ताँ तमु क्युइर

¹ पापए क्षमा योंसि पाप त्होयाबै म्हि ङ्‍हो सब् ग।

भजनमैं 32:1 ပူးပေါင်းရင်းမြစ်များ

भजनमैं 103:3

क्हिइ लबै ताँन् छेरन् ङ्हाँबै केमैं खीजी क्षमा लमिंम्; धै क्हिए ताँन् नब-छब सल् लमिंम्,

भजनमैं 106:3

ठिक निसाफ लब्मैंइ आशिक योंब्मुँ, धै चमैंइ खोंयोंन् बिलै ठिक के लसि सैं तोंरिब्मुँ।

भजनमैं 128:1

याहवेहलाइ मान लब्मैं नेरो खीए घ्याँर प्रब्मैं ताँनइ आशिक योंम्!

भजनमैं 40:4

थेब् प्हैंब्मैं ङाँइ आङ्ह्‍योब, धै स्योलिबै देवतामैं ङाँइ ल्हैदिब्मैंने आत्हुँब, याहवेहए फिर्न भर थेंब, छाबै म्हिइ आशिक योंब्मुँ। 1

भजनमैं 42:1

फोइ क्यु पिसि स्योंर्बै क्यु म्हैब् धोंले, ओ परमेश्‍वर, ङए सोज्यै या क्हिन् म्हैरिमुँ।

भजनमैं 45:1

छ्याँबै ताँमैंइ प्लिंसि ङए सैं बेल्‍ले तोंइमुँ; म्रुँए ल्हागिर ङइ प्ह्रिबै कबिता ङ बिमुँ; ङए ले छेनाले प्ह्रिल् ह्रबै म्हिए कलम धों तइमुँ।

भजनमैं 52:1

ओ भोंबै म्हि, आछ्याँबै केमैं लसि क्हि तले थेब् प्हैंल? क्हि तले त्हिंतिमिन् प्हैंरिम्? छाबै म्हि परमेश्‍वरजी तिफुँइ आखो!

भजनमैं 53:1

आमादुमैंइ ह्रोंसए सैंर “परमेश्‍वर आरे!” बिमुँ। चमैंइ आछ्याँबै केमैं लमुँ, चमैं छेरन् ङ्हाँन् तब्मैं मुँ; छ्याँबै के लब्मैं खाबै आरे।

भजनमैं 55:1

ओ परमेश्‍वर, ङए प्राथनार क्हिए न्ह तोमिंन्, धै ङइ यो छ्युँ लसि ग्वार ह्रिमा क्हिए लि आलोमिंन्!

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

भजनमैं 85:2

ह्रोंसए म्हिमैंए आछ्याँबै केमैं क्हिजी क्षमा लमिंइ; चमैंए ताँन् पापमैं क्हिजी हुमिंइ। तिस्याँदे मैंन्

भजनमैं 89:15

ओ याहवेह, क्हिए छ्याँबै बयन लल् ह्रब्मैं आशिक योंम्, चमैं क्हिए ल्हयोए ह्‍वेर प्ररिम्।

मत्ती 16:17

येशूजी चने बिइ, “ओ, योनाए च्‍ह सिमोन, क्‍ह्रोसेंन क्‍हिइ आशिक योंइमुँ! तलेबिस्याँ छाबै ताँ क्‍हिइ म्‍हिउँइँले था सेब आङिं, दिलेया स्‍वर्गर मुँबै ङए आबाजी क्हिलाइ सेल् पिंब् ग।

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।