भजनमैं 30:12 - परमेश्‍वरए ताँ तमु क्युइर

¹² छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 30:12 ပူးပေါင်းရင်းမြစ်များ

उत्पत्ति 49:6

ओ ङए सो, चमैंए म्हि च्होंर आखो, चमैंने प्रब टिब आलद्, तलेबिस्याँ चमैं ह्रिस खसि म्हिमैं सैवाइमुँ, चमैंइ तो लदा ङ्हाँमुँ चन् लसि क्ल्यामैंए मुल च थोवाइमुँ।

एस्तर 8:16

धै यहूदीमैं बेल्‍ले सैं तोंइ, तलेबिस्याँ तारे ङ्हिंल् आत्हुमल।

एस्तर 9:22

च त्हिंइ ङ्योइ शत्तुरमैंलाइ ट्होबै त्हिंइ ग। च त्हिंइ ङ्यो न्हुँ नेरो दु:खउँइँले फ्रेसि छिं ङ्हाँबै त्हिंइ ग। छतसि सैं तोंदै म्हाँदिद्। च त्हिंइर घ्रिइ घ्रिलाइ चबै सैमैं पिमिंन्, धै आयो-आख्युब्मैंलाइ चल् पिंन्,” बिसि प्ह्रिल।

भजनमैं 13:6

ङ याहवेहए क्‍वे प्रिंब्मुँ, तलेबिस्याँ खीजी ङए फिर ल्हयो खम्।

भजनमैं 145:2

त्हिंइ ह्रोंसे ङ क्हिलाइ धन्यबाद पिंब्मुँ धै खोंयोंन् बिलै ङ क्हिए मिं थेब् लब्मुँ।

भजनमैं 16:9

छतसि ङए सैं तोंइमुँ, ङए ज्यु या ढुक्‍क मुँ,

भजनमैं 44:8

ङिए सैं खोंयोंइ बिलै परमेश्‍वरर्न तोंरिम्, धै ङि खोंयोंन् बिले क्हिए मिं क्वेरिम्। तिस्याँदे मैंन्

भजनमैं 57:8

ओ ङए ज्यु, छोरद्! ओ बीणा नेरो सारङ्गी, क्ह्‍युरल्‍ले कै तेद्! तलेबिस्याँ नाँ न्होंन बिब सेरिगे!

भजनमैं 71:14

दिलेया ङ बिस्याँ खोंयोंन् बिलै क्हिए फिर आशा लरिब्मुँ, धै क्हिलाइन झन् थेब् लब्मुँ।

भजनमैं 71:23

क्हिलाइ थेब् लबै क्वेमैं प्रिंमा ङए म्हदेमैं सैं तोंसि ओरब्मुँ, तलेबिस्याँ क्हिजी ङ जोगेमिंइमुँ।

लूका 19:40

येशूजी चमैंने बिइ, “ङ क्हेमैंने बिमुँ, चुमैं छले आपोंस्‍याँ युँमामैंन् थेबै कैले ओरब्मुँ।”

चेला चिब्मैंए केमैं 4:20

तलेबिस्याँ ङिम् ङिइ म्रोंब नेरो थेबै ताँमै आपोंल्‍ले टिलन् आखाँ।”

दर्शन 7:12

“आमेन! ङ्योए परमेश्‍वरए मिं खोंयोंन् बिलै थेब् तरिगे! थेबै मान, ह्रब् सेब, धन्‍यबाद, ट्होब नेरो भोंब खोंयोंन् बिलै या खीलन् तरिगे। आमेन!”