भजनमैं 3:7 - परमेश्‍वरए ताँ तमु क्युइर

⁷ ओ याहवेह ल्हुसे! ओ ङए परमेश्‍वर, ङलाइ जोगेमिंन्! ङए ताँन् शत्तुरमैंए क्ह्राँबोर ल्हिमिंन्; धै दुष्‍टमैंए स चोमिंन्।

भजनमैं 3:7 ပူးပေါင်းရင်းမြစ်များ

भजनमैं 10:12

ओ याहवेह रेत्ति! क्हिए यो क्वेदु, ल्होब्मैं खाबै आरेब्मैंलाइ आम्‍लेमिंन्।

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 27:3

सेनामैं ङए बिरोधर कारग्यु तखलेया, ङए सैं ङ्हिंरिब् आरे। ङए बिरोधर लडें तलेया ङ परमेश्‍वरए फिर भर थेंब्मुँ।

भजनमैं 35:23

ङए निसाफ लबै ल्हागिर रेमिंन्, ओ थेबै प्रभु, ङए परमेश्‍वर, ङए ल्हागिर नेमिंन्!

भजनमैं 44:23

छतसि ओ प्रभु, तले रोल? रेद्! छोरद्! खोंयोंइ ङिलाइ आपिद्।

भजनमैं 58:6

ओ परमेश्‍वर, चमैंए स चमैंए सुँ न्होंर्न चोवामिंन्; ओ याहवेह, च सिंहमैं धों तबै दुष्‍टमैं म्हिमैंए काँस पोंवामिंन्।

भजनमैं 59:5

ओ ताँन् भन्दा थेबै याहवेह परमेश्‍वर, इस्राएलए परमेश्‍वर, क्हिलाइ आम्हाँदिबै ह्रेंमैंए फिर दण्ड पिंबर रेद्; धोक पिंबै दुष्‍ट म्हिमैंए फिर तिफुँइ ल्हयो आखद्। तिस्याँदे मैंन्

भजनमैं 6:4

ओ याहवेह, ङ ङाँइ तोद्, ङ सिल् आपिंन्; खोंयोंइ आनुबै क्हिए म्हाँया ङए फिर मुँबइले ङ जोगेमिंन्।

भजनमैं 7:6

ओ याहवेह, ह्रिस खमा रेद्, धै ङए शत्तुरमैंने नेबर क्हिन् रामिंन्; ओ ङए परमेश्‍वर, रेद, ङए ठिक निसाफ लमिंन्।

भजनमैं 74:11

क्हिजी ह्रोंसए यो, ह्रोंसए क्योलो योइ तले तोइ लल् आपिंल? क्वें न्होंउँइँले यो ट्हुइदु धै चमैं नास लमिंन्!

भजनमैं 76:9

पृथ्‍बीर्बै आगुए न्होंर मुँब्मैं ताँन् जोगेबै ल्हागिर क्हि निसाफ लबर रेमा पृथ्‍बीर्बै म्हिमैं ङ्हिंसि आपोंल्‍ले टिइ। तिस्याँदे मैंन्