भजनमैं 3:4 - परमेश्‍वरए ताँ तमु क्युइर

⁴ ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 3:4 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

भजनमैं 119:114

क्हि ङए लोबै क्‍ल्‍ह्‍यो नेरो ढाल ग; क्हिए ताँर ङइ भर थेंइमुँ।

भजनमैं 138:3

ङइ ग्वार ह्रिमा क्हिजी ङलाइ ज्वाफ पिंइ, धै क्हिजी ङ आङ्हिंब नेरो भोंब लमिंइ।

भजनमैं 18:3

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 27:6

झाइले ङए कारग्यु तखबै शत्तुरमैंए फिर खीजी ङए क्र कैंडो लमिंब्मुँ, छतसि खीए पबित्र तम्बुर ङ सैं तोंदै ओरादै ख्रो पिंखब्मुँ; धै भजन प्रिंदै याहवेहए मिं थेब् लब्मुँ।

भजनमैं 28:7

याहवेह ङए शक्‍ति नेरो ङए ढाल ग! ङइ खीनेन् सैं केइमुँ, धै खीजीन् ङ ल्होमिंबइले ङए सैं बेल्‍ले तोंइमुँ, धै ङ भजन प्रिंसि खीलाइ धन्यबाद पिंब्मुँ।

भजनमैं 34:4

ङइ याहवेहने ग्वार ह्रिमा खीजी ङलाइ ज्वाफ पिंइ धै ङलाइ ङ्हिंन् लबै ताँन् सैमैंउँइँले ङ फ्रेमिंइ।

भजनमैं 34:6

दुःख योंबै म्हिइ याहवेहने ग्वार ह्रिमा खीजी चए ताँ थेमिंइ धै चए ताँन् दुःखउँइँले फ्रेमिंइ।

भजनमैं 43:3

क्हिए क्ह्रोंसेंन्बै ताँमैं ङने बिमिंसि क्हिए चारबै ह्‍वे उँइँमिंन्; चमैंइन ङ डोरेरिगे; धै क्हिए पबित्र कोंर क्हि टिबै क्‍ल्‍ह्‍योर ङ फेनेल् योंरिगे।

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

भजनमैं 89:19

क्हिजी बिब् ङिंबै म्हिने तिखे दर्शनर बिइ: “ङइ बेल्‍ले भोंबै म्हिलाइ भों पिंइमुँ; इस्राएली म्हिमैंए न्होंउँइँले त्हाँबै म्हिलाइ ङइ म्रुँ लमिंइमुँ।

भजनमैं 91:15

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

भजनमैं 99:9

ङ्योए याहवेह परमेश्‍वरए मिं थेब् लद्, धै खीए पबित्र कोंर खीए मिं क्वेद्; तलेबिस्याँ ङ्योए याहवेह परमेश्‍वर पबित्र मुँ।

हितोपदेश 2:7

सोजो म्हिमैंलाइ खीजी ट्होगो लमिंम्; धै स्योर आतेल्‍ले प्रब्मैंलाइ रक्षा लम्।

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

याकूब 5:13

क्‍हेमैंए न्‍होंरि खाबलाज्यै या दुःख तइमुँ वा? चइ प्राथना लरिगे। खाबै या सैं तोंरिइमुँ वा? सैं तोंरिइमुँ बिस्याँ चइ प्रभुए मिंर क्वे प्रिंरिगे।