भजनमैं 29:3 - परमेश्‍वरए ताँ तमु क्युइर

³ याहवेहए कै मा ङ्युँइ फिर थेल् खाँम्, मान पिंल् त्हुबै परमेश्‍वर बेल्‍ले ओरम्, याहवेह थेबै कैले मा ङ्युँइए फि-फि ओरम्।

भजनमैं 29:3 ပူးပေါင်းရင်းမြစ်များ

भजनमैं 104:3

खीजी ह्रोंसए नुबै कोठार्बै दलिनमैं क्युमैंए फिर थेंम्; खीजी न्हाँमस्योमैं ह्रोंसए रथ बनेम्; खी खैंए प्ह्‍यामैंर प्ररिम्।

प्रस्थान 19:16

नोगिम्धों न्हाँग तमा कोंर गड्‌याङगुडुङ तइ, धै काम्‍लि तिम्‍लि रासि कोंर रुँदो न्हाँमस्यो राइ, धै बेल्‍ले ङ्‍हेबै थुतुरिए कै थेइ। छतमा ब्यारेकर मुँबै ताँन् म्हिमैं ङ्हिंसि थरथर त्हारइ।

प्रस्थान 9:28

छतसि याहवेहने प्राथना लमिंन्, तलेबिस्याँ चु मु ङ्‍हेब नेरो तिस्युइ सारुन् लइ। ङइ क्हेमैं ह्‍याल् पिंब्मुँ। तारे क्हेमैं अझै चुर टिल् आत्हु।”

प्रस्थान 9:33

झाइले मोशा फारो ङाँइले त्होंसि सहर बैरु ह्‍यासि याहवेह ङाँइ ह्रोंसए यो स्योंमा मु ङ्‍हेब नेरो तिस्यु युब टियाइ, धै नाँ या टियाइ।

यूहन्‍ना 12:29

चर रारिबै म्हिए हुलइ च कै थेसि “मु ङ्‌हेब् ग,” बिइ। कोइइ “स्‍वर्गदूत खीने पोंब् ग,” बिइ।

चेला चिब्मैंए केमैं 7:2

चइ बिइ, “ओ ङए आबामैं, आघें-अलिमैं, ङए ताँ थेद्। थेबै मान मुँबै परमेश्‍वरजी ङ्योए खे अब्राहाम हारानर टिब् भन्दा ओंसोंन् मेसोपोटामियार च ङाँर म्रोंयुसि

दर्शन 11:19

च लिउँइँ स्वर्गर परमेश्‍वरए मन्‍दिरर्बै म्रा थोंयाइ, धै खीजी फैबै बाछाए ठिम झोंथेंबै म्हदुस मन्‍दिर न्होंर म्रोंइ। च्हमा काम्‍लि तिम्‍लि चारइ, मु ङ्‌हेइ, सयो खइ धै थे-थेबै तिस्‍यु युइ।

दर्शन 16:18

छबिमा काम्‍लि तिम्‍लि राइ, थेबै कैमैं थेइ, बेल्‍ले मु ङ्‌हेइ धै बेल्‍ले थेबै सयो खइ। म्‍हिमैं बनेब् ओंनोंन् छाबै ङ्हिंन् ङ्हाँबै सयो खोंयोंइ आखल।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 4:5

च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।