भजनमैं 28:8 - परमेश्‍वरए ताँ तमु क्युइर

⁸ याहवेहजी खीए म्हिमैंलाइ भों पिंम्, धै खीजी त्हाँबै म्रुँ जोगेसि रक्षा लमिंम्।

भजनमैं 28:8 ပူးပေါင်းရင်းမြစ်များ

भजनमैं 140:7

ओ याहवेह, ङलाइ जोगेमिंबै शक्ति मुँबै परमेश्‍वर, ल्हडें तबै त्हिंइर क्हिजी ङए क्र जोगेमिंमुँ।

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

भजनमैं 20:6

याहवेहजी ह्रोंसजी त्हाँबै म्हिलाइ ल्होमिंमुँ। खीजी खीए पबित्र स्‍वर्गउँइँले ह्रोंसए क्योलो योर मुँबै जोगेमिंबै भोंउँइँले, ह्रोंसइ त्हाँबै म्हि जोगेमिंब्मुँ बिसि ङइ तोगो सेइमुँ।

भजनमैं 20:7

कोइइ रथमैंए फिर, कोइइ घोडामैंए फिर भर लम्, दिलेया ङिम् ङिए याहवेह परमेश्‍वरए मिंर्न भर लम्।