भजनमैं 28:5 - परमेश्‍वरए ताँ तमु क्युइर

⁵ याहवेहजी लबै केमैं नेरो खीए योजी लबै केमैं चमैंइ वास्ता आल, छतसि खीजी चमैंलाइ नास लवाब्मुँ, खोंयोंइ चमैंलाइ बनेरिब् आरे।

भजनमैं 28:5 ပူးပေါင်းရင်းမြစ်များ

भजनमैं 10:5

चमैंइ लबै केमैं खोंयोंन् बिलै चमैंए सैंर मैंब् धोंन् तम्। चमैं थेब् प्हैंरिम्, छतसि क्हिए ठिममैं चमैंउँइँले ह्रेंगो तम्। चमैंइ ह्रोंसए ताँन् शत्तुरमैं प्ह्रम्।

भजनमैं 104:24

ओ याहवेह, क्हिजी लबै केमैं कति ल्हें मुँ! चु ताँन् सैं क्हिजी ह्रोंसए बुद्धिइ बनेइ; क्हिजी बनेबै तोन्दोंरि सैइ पृथ्बी प्लिंइमुँ।

भजनमैं 8:3

क्हिजी बनेबै मु, क्हिजी मुर थेंमिंबै लयाँ नेरो मुसारमैं ङइ ङ्‍ह्‍योमा,

यूहन्‍ना 12:37

येशूजी यहूदीमैंए उँइँर ल्हें औदिबै चिनुमैं लल। दिलेया चमैंइ खीए फिर बिश्‍वास आल।

रोमी 1:20

ह्‍युल बनेबै त्हे ओनोंन् परमेश्‍वरजी बनेबै सै म्रोंसि ताँन् म्‍हिमैंइ परमेश्‍वर खैब मुँ बिसि म्रोंल् योंइमुँ। परमेश्‍वरने खोंयोंन् बिलै तरिबै भों नेरो खीए बानि ब्योर आम्रोंबै सै मुँलेया म्‍हिमैंइ छेनाले क्‍होल् खाँम्। छतमा म्‍हिइ परमेश्‍वरलाइ ङो आसे बिबै निउँ लबै घ्याँ आरे।

रोमी 1:28

म्‍हिमैंइ परमेश्‍वरलाइ पिंल् त्हुबै मान आपिं, छतसि चमैंइ तो लदा ङ्हाँम् लरिगे बिसि पिवाइ।