भजनमैं 28:1 - परमेश्‍वरए ताँ तमु क्युइर

¹ ओ याहवेह, ङ लोबै पारा, क्हिनेन् ङ ग्वार ह्रिमुँ, ङइ ग्वार ह्रिमा आथेब् धों आलमिंन्, क्हिजी ङए ताँ आथेमिंस्याँ, सिसि क्रोंर ह्‍याब्मैं धों ङ तब्मुँ।

भजनमैं 28:1 ပူးပေါင်းရင်းမြစ်များ

भजनमैं 142:1

ओरदै ङ याहवेहने ग्वार ह्रिमुँ, ङए फिर ल्हयो खमिंन् बिसि थेबै कै तेदै ङइ याहवेहने यो छ्युँ लम्।

भजनमैं 142:2

ङइ ह्रोंसए ताँमैं खीए उँइँर थेंमुँ, खीने बालुन् ङइ ह्रोंसए दुःख ङेमुँ।

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 22:2

ओ ङए परमेश्‍वर, ङइ त्हिंइ ह्रोंसे क्हिए मिंन् किंइमुँ, म्हुँइँस ह्रोंसे या क्हिनेन् ग्वार ह्रिइमुँ छान् ललेया ङ छिं आङ्हाँइमुँ।

भजनमैं 3:4

ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 30:4

ओ याहवेहए म्हिमैं, खीए ल्हागिर भजन प्रिंन्, धै खीए पबित्र मिंर धन्यबाद पिंन्।

भजनमैं 30:9

“ङ सियास्याँ क्हिलाइ तो फायदा तमुँ? ङ क्रोंर ह्‍यामा क्हिलाइ तो फायदा तमुँ? स त्हुलइ क्हिलाइ थेब् लम् रो वा? क्हि भर लल् खाँबै परमेश्‍वर ग बिसि स त्हुलइ क्हिए बयन लम् रो वा?

भजनमैं 35:22

ओ याहवेह, चमैं ङए बिरोधर पोंब क्हिजी थेइमुँ; छतसि आपोंल्‍ले आटिमिंन्! ओ थेब प्रभु, ङउँइँले ह्रेंगो आतमिंन्!

भजनमैं 39:12

“ओ याहवेह, ङए प्राथना थेमिंनु, ङइ क्हिने ग्वार ह्रिमा क्हिजी थेमिंनु; ङ क्रोदै ग्वार ह्रिमा ङलाइ ल्होमिंन्! तलेबिस्याँ ङए खेमैं धोंलेन् ङ आगुए ह्‍युलर्बै म्हि ग, स्याँ म्हि मुँलेया ङ क्हिनेन् टिम्।

भजनमैं 42:9

ङए परमेश्‍वरने, ङ लोबै पाराने, ङइ बिम्: “क्हिजी तले ङ म्‍लेल? शत्तुरमैंइ क्र ओल् आपिंसि ङ तले न्हुँ लसि प्ररिल् त्हुइमुँ?”

भजनमैं 5:2

ओ ङए म्रुँ, ङए परमेश्‍वर, ङ क्हिनेन् प्राथना लम्, छतसि ङइ ग्वार ह्रिमा थेमिंन्।

भजनमैं 69:15

नाँ बाढिमैंइ ङ आउरिगे, धै क्युइ ङ आप्ल्हुँरिगे, झाइले क्रोंइ ह्रोंसए सुँ ङए फिर आम्रुरिगे।

भजनमैं 77:1

थेबै कैले ङइ परमेश्‍वरने ग्वार ह्रिम्, खीजी थेरिगे बिसि ङइ थेबै कैले ओरम्।

भजनमैं 83:1

ओ परमेश्‍वर, क्हि आपोंल्‍ले आटिमिंन्! ओ परमेश्‍वर, तोइ आबिल्‍ले आटिमिंन्, के आलल्‍ले आटिमिंन्!

हितोपदेश 1:12

सियाबै म्हिलाइ छगोंइ क्‍ल्‍ह्‍योंवासि क्रोंए तेंर्न फेनेब् धोंले, ङ्योइ चमैंलाइ सोगोंन् क्ल्ह्‍योंवाले।

दर्शन 20:3

च दुष्‍टलाइ क्रोंर भ्‍योंवाइ, धै चर्बै म्रार साँजु झोंवाइ। तारे च स्‍योर्गुइ पृथ्‍बीर्बै ह्रेंमैंलाइ हजार घ्रि बर्ष समा लुसि ह्रोंस ङाँइ च्यारल् आयों। च लिउँइँ दुष्‍टलाइ तिस्याँए ल्हागिर पिवाल् त्‍हुम्।