भजनमैं 27:9 - परमेश्‍वरए ताँ तमु क्युइर

⁹ ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 27:9 ပူးပေါင်းရင်းမြစ်များ

भजनमैं 102:2

ङए फिर दुःख तमा क्हिए लि ङ ङाँइँले आलोमिंन्! क्हिए न्ह ङ ङाँइ तोमिंन्; धै ङइ ग्वार ह्रिमा ङलाइ युनन् ज्वाफ पिंन्!

भजनमैं 102:3

तलेबिस्याँ मिखु धोंले ङए छ्ह ह्‍यारिइमुँ, धै मिए राबइ ख्रोंब् धोंले ङए ह्रिबमैं ख्रोंइमुँ।

भजनमैं 119:121

ङइ क्ह्रोंसेंन्बै ठिक केमैं लसि प्रइमुँ; छतसि दुःख पिंब्मैंए योर ङलाइ आवाथेंन्।

भजनमैं 13:1

ओ याहवेह, खोंयों समा क्हिजी ङ म्‍लेमुँ? क्हिजी खोंयोंइन म्‍लेवाम्‍मा? क्हिजी ह्रोंसए लि ङने खोंयों समा लोरिम्?

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 24:5

छाबै म्हिमैंइन याहवेह ङाँइँले आशिक योंब्मुँ, धै चमैंलाइ जोगेमिंबै परमेश्‍वरजी चमैंलाइ ठिक ठर्दिमिंब्मुँ।

भजनमैं 44:24

ङि ङाँइले तले ह्रेंगो तल? ङि फिर तबै दुःख नेरो कष्‍ट तले म्‍लेल?

भजनमैं 51:11

क्हि ङाँइँले ङ आस्योमिंन्, धै ङ ङाँइँले क्हिए पबित्र प्ल्ह आबोमिंन्।

भजनमैं 69:17

क्हिए लि ह्रोंसए केब्छैंउँइँले आलोमिंनु; तलेबिस्याँ ङए फिर थेबै दुःख तइ। छतसि युनन् ज्वाफ पिंन्।

भजनमैं 69:18

ङए चेंदोले खमिंनु धै ङलाइ जोगेमिंनु; ङए शत्तुरमैंउँइँले ङलाइ खामिंन्!

भजनमैं 88:1

ओ याहवेह, ङलाइ जोगेमिंबै परमेश्‍वर; ङइ त्हिंयाँ म्हुँइँस क्हिने ग्वार ह्रिइमुँ;

हिब्रू 13:5

क्‍हेमैंइ ल्हें मारा-मुइए लोब आलद्। क्हेमैंने मुँबै सैर्न सन्‍तोक तइ टिद्। तलेबिस्याँ परमेश्‍वरजी बिइमुँ, “ङइ क्‍हेमैं खोंयोंइ वाथेंरिब् आरे, ङइ क्हेमैं पिरिब् आरे।”