भजनमैं 27:3 - परमेश्‍वरए ताँ तमु क्युइर

³ सेनामैं ङए बिरोधर कारग्यु तखलेया, ङए सैं ङ्हिंरिब् आरे। ङए बिरोधर लडें तलेया ङ परमेश्‍वरए फिर भर थेंब्मुँ।

भजनमैं 27:3 ပူးပေါင်းရင်းမြစ်များ

भजनमैं 112:7

आछ्याँबै ताँमैं थेमा च आङ्हिं; चइ याहवेहए फिर भर लबइले चए सैं भोंब मुँ।

भजनमैं 3:6

ङए बिरोधर ङए कारग्युले राबै हजार च्यु शत्तुरमैंने या ङ ङ्हिंरिब् आरे।

भजनमैं 3:7

ओ याहवेह ल्हुसे! ओ ङए परमेश्‍वर, ङलाइ जोगेमिंन्! ङए ताँन् शत्तुरमैंए क्ह्राँबोर ल्हिमिंन्; धै दुष्‍टमैंए स चोमिंन्।

भजनमैं 52:6

छलब् म्रोंसि ठिक के लब्मैं या ङ्हिंब्मुँ; धै निस्योसि चलाइ छ बिब्मुँ,

फिलिप्पी 1:28

क्हेमैंए फिर तो तखलेया क्हेमैंए शत्तुरमैंने तिफुँइ आङ्हिंन्। खोंयोंइ बिलै प्रभुए फिर बिश्‍वास लबर भोंब् तरिद्। छतस्याँ शत्तुरमैंइ क्हेमैं ट्होल आखाँ, बरु क्‍हेमैंइ ट्होब्‍मुँ, तलेबिस्याँ परमेश्‍वरजी क्‍हेमैं जोगेमिंब्मुँ।

१ पत्रुस 3:14

दिलेया ठिक के लसि दुःख योंनाबिलेया क्‍हेमैंइ आशिक योंब्मुँ। म्‍हिमैंइ तोन् बिलेया चमैं म्रोंसि आङ्हिंन्, न्हुँ आलद्।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।