भजनमैं 27:11 - परमेश्‍वरए ताँ तमु क्युइर

¹¹ ओ याहवेह, क्हिए छ्याँबै घ्याँर प्रबर ङलाइ लोमिंन्। ङए शत्तुरमैं ल्हें मुँ, छतसि क्हिए छ्याँबै घ्याँर डोरेमिंन्।

भजनमैं 27:11 ပူးပေါင်းရင်းမြစ်များ

भजनमैं 119:10

ङइ ह्रोंसए सैं न्होंउँइँलेन् क्हिलाइ म्हैमुँ; क्हिए ताँमैं थोसि प्रबइले ङ जोगेमिंन्

भजनमैं 139:24

आछ्याँबै घ्याँर प्रइमुँ उ बिसि ङ जाँचेदु, धै खोंयोंइ आखाँबै छ्ह योंबै घ्याँर ङ डोरेमिंनु।

भजनमैं 25:12

याहवेहलाइ मान लब्मैंइ खेंमैं खैले प्रल् त्हुम् बिबै ताँ खीउँइँलेन् लोल् योंब्मुँ।

भजनमैं 25:9

खीजी थेब् आप्हैंब्मैंलाइ ठिक घ्याँर डोरेमिंब्मुँ, धै चमैंलाइ खीए घ्याँर प्रबर लोमिंब्मुँ।

भजनमैं 26:12

ङ सोजो घ्याँर प्रइमुँ ङइ ल्हें म्हिए म्हाँजोर क्हिए मिं क्वेब्मुँ।

भजनमैं 5:8

ओ याहवेह, ङए शत्तुरमैं ल्हें मुँ छतसि क्हिए ठिक घ्याँर ङ डोरेमिंन्; क्हिए घ्याँ ङए ओंसों सोजो लमिंन्।

भजनमैं 5:9

चमैंए सुँइ क्ह्रोंसेंन्बै ताँ आपों; चमैंए खों आछ्याँबै सैमैंइ प्लिंइमुँ; चमैंए म्‍लोगो थोंथेंबै छगों ग; छतसि चमैंइ फिब्लो पार्दिसि पोंम्।

भजनमैं 54:5

ङए शत्तुरमैंइ लबै आछ्याँबै केमैंए दण्ड खीजी चमैंलाइ पिंब्मुँ। ठिक निसाफ लसि क्हिजी चमैं नास लवाद्।

भजनमैं 64:6

म्हिमैंए सैं कति आछ्याँब् तमना, चमैंइ आगुए न्होह्रों लबै जाल रोमुँ, दिलेया “ङिइ ठिक चाँजोमैं लइमुँ,” बिम्।

भजनमैं 86:11

ओ याहवेह, क्हिए घ्याँर प्रबर ङलाइ लोमिंन्, धै क्हिए क्ह्रोसेंन्बै घ्याँर ङ प्रब्मुँ; क्हिए मिंलाइ ङइ मान लल् खाँरिगे बिसि ङए सैं खोंयोंन् बिलै क्हि ङाँइन तल् पिंन्।

हितोपदेश 15:19

प्ल्हेगुए घ्याँ पुजुए बार मुँब् धों तम्, दिलेया सोजो म्हि प्रबै घ्याँ छ्याँबै मुल घ्याँ तम्।

हितोपदेश 8:9

च्हैंब् मैंब् लल् खाँबै म्हिए ल्हागिर च छ्याँब मुँ, ज्ञान मुँबै म्हिए ल्हागिर च ठिक मुँ।

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।