भजनमैं 26:3 - परमेश्‍वरए ताँ तमु क्युइर

³ तलेबिस्याँ क्हिजी लबै खोंयोंइ आनुबै म्हाँया ङइ झलझलले मैंरिमुँ, धै क्हिए भर लल् खाँबै घ्याँर ङ प्ररिमुँ।

भजनमैं 26:3 ပူးပေါင်းရင်းမြစ်များ

भजनमैं 101:2

न्ह क्रों मि क्रोंले ङ छ्याब् आरेबै छ्ह थोब्मुँ। ङ ङाँर क्हि खोंयों युमुँ? छ्याँबै बानि ब्योर लसि ङ ह्रोंसए धिंर छ्ह थोब्मुँ।

भजनमैं 119:142

क्हिजी लबै ठिक केमैं खोंयोंन् बिलै तरिमुँ, धै क्हिए ठिमर क्ह्रोंसेंन्बै ताँमैं मुँ।

भजनमैं 25:5

क्हिए क्ह्रोंसेंन्बै घ्याँर प्रबर ङलाइ लोमिंन्, तलेबिस्याँ ङलाइ जोगेमिंबै परमेश्‍वर क्हिन् ग; धै ङइ त्हिंतिमिंन् क्हिए फिर्न आशा लइमुँ।

भजनमैं 52:1

ओ भोंबै म्हि, आछ्याँबै केमैं लसि क्हि तले थेब् प्हैंल? क्हि तले त्हिंतिमिन् प्हैंरिम्? छाबै म्हि परमेश्‍वरजी तिफुँइ आखो!

भजनमैं 86:11

ओ याहवेह, क्हिए घ्याँर प्रबर ङलाइ लोमिंन्, धै क्हिए क्ह्रोसेंन्बै घ्याँर ङ प्रब्मुँ; क्हिए मिंलाइ ङइ मान लल् खाँरिगे बिसि ङए सैं खोंयोंन् बिलै क्हि ङाँइन तल् पिंन्।

लूका 6:36

क्‍हेमैंए परमेश्‍वर आबाजी ताँनए फिर ल्हयो खब् धोंले क्‍हेमैंज्यै या ताँनए फिर ल्हयो खद्।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

एफिसी 4:32

धै परमेश्‍वरजी ख्रीष्‍टर क्हेमैंलाइ क्षमा लब् धोंले क्हेमैंज्यै या घ्रिइ घ्रिलाइ क्षमा लसि घ्रिइ घ्रिए फिर सैं प्ल्हसि ल्हयो खद्।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

२ यूहन्‍ना 1:4

परमेश्‍वर आबाजी ङ्योलाइ बिब् धोंलेन् क्हिए को-कोइ कोलोमैं क्ह्रोंसेंन्‍बै घ्‍याँर प्रबै ताँ था सेसि ङ बेल्‍ले सैं तोंइमुँ।

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।