भजनमैं 25:8 - परमेश्‍वरए ताँ तमु क्युइर

⁸ याहवेहजी ठिक निसाफ लमुँ, खी स्वाब मुँ, छतसि खीजी पापिमैंलाज्यै या ठिक घ्याँर प्रबर लोमिंम्।

भजनमैं 25:8 ပူးပေါင်းရင်းမြစ်များ

भजनमैं 119:68

क्हि स्वाब मुँ, क्हिजी छ्याँबै के लम्; क्हिए निसाफइ बिब् धोंले प्रब ङलाइ लोमिंन्।

भजनमैं 32:8

“ङइ क्हिलाइ लोमिंब्मुँ,” बिसि याहवेहजी बिइ। “क्हि प्रल् त्हुबै घ्याँर ङइ क्हिलाइ डोरेमिंब्मुँ; ङइ क्हिलाइ लोदा-सैंदा लसि क्हिए फिर्न मि छरिब्मुँ।

भजनमैं 92:15

धै “याहवेह स्वाब मुँ; खी ङ रक्षा लमिंबै पारा ग, धै खीजी आछ्याँबै के खोंयोंइ आल!” बिसि बयन लब्मुँ।

मत्ती 9:13

क्‍हेमैं ह्‍यासि चु ताँए अर्थ तो मुँगे खेसि क्होद्, ‘ङ ख्रो आम्है, ल्हयो खब्मैं म्रोंसि ङ सैं तोंम्।’ धर्मि प्हैंब्मैंलाइ हुइबर ङ युब् आङिं, पापिमैं हुइबर युब् ग।”

लूका 11:13

क्‍हेमैं दुष्‍ट तलेया ह्रोंसए प्हसेमैंलाइ छ्याँबै सैमैं पिंल् ह्रम् बिस्याँ, झन् स्‍वर्गर टिबै क्हेमैंए परमेश्‍वर आबाजी खीने बालु ह्रिब्मैंलाइ कति ल्हें पबित्र प्ल्ह पिंब्‍मुँ।”

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

याकूब 1:5

क्‍हेमैंए न्‍होंर खाबलाज्यै बुद्धि चैदिस्याँ ह्रिस आखल्‍ले सैं तों-तोंदै पिंबै परमेश्‍वरने ह्रिरिगे। छले ह्रिस्याँ खीजी पिंब्‍मुँ।