भजनमैं 25:6 - परमेश्‍वरए ताँ तमु क्युइर

⁶ ओ याहवेह, स्योंम् ओंनोंन् ङए फिर मुँबै क्हिए थेबै दयाम्हाँया मैंमिंन्!

भजनमैं 25:6 ပူးပေါင်းရင်းမြစ်များ

उत्पत्ति 24:27

“ङए क्ल्हे अब्राहामए याहवेह परमेश्‍वर बेल्‍ले थेब मुँ। खीजी ङए क्ल्हेने फैबै बाछा पूरा लमिंइ। तलेबिस्याँ याहवेहजी ङलाइ घ्याँर डोरेसि ङए क्ल्हेए ङेंमैंए धिंर पखमिंइमुँ।”

उत्पत्ति 32:9

धै याकूबइ छले प्राथना लइ, “ओ ङए बाज्यु अब्राहाम, ङए आबा इसहाकए परमेश्‍वर, ओ याहवेह, क्हिजी ङने ‘क्हि क्हिए ह्‍युलर क्हिए ङे-ट्हुमैं ङाँर ह्‍याद्। ङइ क्हिए तोन्दोंरि सै छ्याँब लमिंस्यो’ बिल।

भजनमैं 103:17

दिलेया खीए मान लब्मैं खीजी खोंयोंन् बिलै म्हाँया लरिम्। धै चमैंए च्ह-क्वेंमैं,

भजनमैं 103:4

खीजी क्हि कालउँइँले जोगेमिंम्; धै मुकुट कुब् धोंले खीए खोंयोंइ आनुबै म्हाँया नेरो क्हिए फिर खीजी ल्हयो खम्।

भजनमैं 106:1

याहवेहए मिं थेब् लद्! याहवेहलाइ धन्यबाद पिंन्, तलेबिस्याँ खीजी ङ्योए फिर ल्हयो खम्, धै खोंयोंइ आनुबै म्हाँया लरिम्!

भजनमैं 106:45

खीजी चमैंए ल्हागिर ह्रोंसइ फैबै बाछा मैंइ, धै चमैंए फिर खोंयोंइ आनुबै म्हाँया लबइले खीए सैं एइ।

भजनमैं 107:1

याहवेहलाइ धन्यबाद पिंन्, तलेबिस्याँ खी स्वाब मुँ, खीए म्हाँया खोंयोंन् बिलै तरिम्!

भजनमैं 119:77

क्हिए ठिमर्बै ताँमैंइन ङए सैं तोंन् लमिंम्; छतसि ङ सोरिगे बिसि क्हिए ल्हयो ङए फिर थेंमिन्।

भजनमैं 40:11

ओ याहवेह, ङए फिर खोंयोंन् बिलै ल्हयो खरिद्! क्हि भर थेंल् खाँबै परमेश्‍वर ग। क्हिजी ङलाइ खोंयोंन् बिलै म्हाँया लरिम्। छतसि ङलाइ जोगेमिंन्।

भजनमैं 69:13

दिलेया, ओ याहवेह, ङ क्हिनेन् प्राथना लम्। क्हिजी तोक्दिबै त्हेर, ओ परमेश्‍वर, क्हिए खोंयोंइ आनुबै म्हाँयाइ लमा क्हिजी खैलेबिलै ङलाइ जोगेमिंम् बिसि ज्वाफ् पिंन्।

भजनमैं 69:16

ओ याहवेह, क्हिए खोंयोंइ आनुबै म्हाँया थेब मुँ, छतसि ङ ज्वाफ पिंनु; क्हिजी थेबै ल्हयो खसि ङए वास्ता लमिंन्।

भजनमैं 98:3

इस्राएलए परवाए फिर लबै खोंयोंइ आनुबै म्हाँया नेरो चमैंइ खोंयोंइ खीए फिर भर लल् खाँम् बिसि याहवेहजी मैंइमुँ। ङ्योए परमेश्‍वरजी जोगेमिंबै केमैं ह्‍युलर्बै ताँन् साँदर टिबै ह्रेंमैंइ म्रोंइमुँ।

प्रस्थान 15:13

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

प्रस्थान 34:6

च लिउँइँ याहवेह चए ओंसोंउँइँले ह्‍यासि छ बिसि ओरइ, “याहवेह, याहवेह! ङ म्हिमैंए फिर बेल्‍ले म्हाँया नेरो ल्हयो खबै पइरमेश्‍वर ग! ङ युनन् ह्रिस आख, थेबै म्हाँया लमुँ, भर पर्दिल् खाँब् मुँ।

लूका 1:50

खीए मान लब्‍मैंए पुस्‍ता-पुस्‍ताए फिर खीजी ल्हयो खम्।

लूका 1:54

परमेश्‍वरजी ङ्योए खेमैंने फैबै बाछा पूरा लसि ह्रोंसलाइ म्हाँदिबै इस्राएलीमैं ल्होबर खी युइमुँ।

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

२ कोरिन्थी 1:3

ङ्योए प्रभु येशू ख्रीष्‍टए परमेश्‍वर, अथवा खीए आबाजी ङ्योए फिर ल्हयो खसि सैं क्होमिंम्। छतसि खीए मिं खोंयोंन् बिलेया थेब तरिगे।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 2:1

क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?