भजनमैं 25:3 - परमेश्‍वरए ताँ तमु क्युइर

³ क्हिए फिर भर थेंब्मैं खाबै या खोंयोंइ फा पिल् त्हुरिब् आरे, दिलेया फाकर्न धोका पिंब्मैं फा पिल् त्हुब्मुँ।

भजनमैं 25:3 ပူးပေါင်းရင်းမြစ်များ

उत्पत्ति 49:13

“जबूलूनए टिबै क्ल्ह्‍यो मा ङ्युँइए रेर तब्मुँ, च क्यु झाजमैं टिबै क्ल्ह्‍यो तब्मुँ। धै चए साँदा सिदोन समा तब्मुँ।

भजनमैं 109:3

चमैंइ ङने छेरन् ङ्हाँबै ताँमैं पोंइमुँ, धै तोन् तोर्न चमैं ङए फिर ह्‍वाखम्।

भजनमैं 119:78

थेब् प्हैंब्मैं फा पिन् तरिगे तलेबिस्याँ चमैंइ तोन् तोर्न ङए न्होह्रों लम्; दिलेया ङ बिस्याँ क्हिजी ल्हैदिबै केमैं मैंरिब्मुँ।

भजनमैं 123:2

खैले केब्छैंमैंए मिइ ह्रोंसए क्ल्हेए योउँइँ ङ्ह्‍योमुँ, खैले क्येब्स्योए मिइ ह्रोंसए क्ल्हेस्योए योउँइँ ङ्ह्‍योमुँ, छलेन ङिए याहवेह परमेश्‍वरजी ङिए फिर ल्हयो आखन् समा ङिए मि खी ङाँइँन ङ्ह्‍योरिम्।

भजनमैं 132:18

चए शत्तुरमैंलाइ ङइ फापिल् लवाब्मुँ, दिलेया चए क्रर मुकुट चारब्मुँ।”

भजनमैं 22:6

दिलेया ङ प्हुँलुँ धोंन् तब् मुँ, म्हि आङिं बिसि म्हिमैंइ ङलाइ तोइ धोंइ आङ्हाँ, धै ङलाइ प्ह्रइमुँ।

भजनमैं 27:14

याहवेहए घ्याँ ङ्‍ह्‍योरिद्; सैं च्योंब आलद्, खीजी क्हिए सैं भोंब् लमिंब्मुँ; छतसि ङ बिमुँ! याहवेहए घ्याँ ङ्‍ह्‍योरिद्।

भजनमैं 31:17

ओ याहवेह, ङ फापिल् आत्हुरिगे, तलेबिस्याँ ङइ क्हिने ग्वार ह्रिइमुँ; दिलेया दुष्‍टमैं बिस्याँ फा पिन् तयारिगे; धै चमैं क्रोंर च्याँले टिरिगे।

भजनमैं 31:18

स्योर ताँ पोंबै चमैंए म्हदेमैं म्रुयारिगे, तलेबिस्याँ चमैंइ थेब् प्हैंदै ठिक के लब्मैंए बिरोधर म्हि आच्हिल्‍ले पोंम्।

भजनमैं 33:20

छ बिसि याहवेहए फिर आशा थेंसि ङ्योइ खीए घ्याँ ङ्‍ह्‍योरिम्; तलेबिस्याँ ङ्योलाइ ल्होमिंब नेरो ङ्योए रक्षा लबै परमेश्‍वर खीन् ग।

भजनमैं 35:26

ङए फिर दुःख तमा ङए बिल्‍लि लदै निस्योब्मैं ताँन् फापिल् त्हुरिगे धै खैलातोला तबर फेरिगे! “ङिम् च भन्दा थेब् ग,” बिसि प्हैंब्मैं या ताँन् लि उँइँलै आखाँल्‍ले फापिल् त्हुरिगे।

भजनमैं 37:34

याहवेहए घ्यार्न प्ररिद्, खीलाइन पैंरिद्। धै खीजी क्हेमैंलाइ चु ह्‍युलर्बै क्ल्हे तल् पिंब्मुँ; धै दुष्‍टमैं नास तब क्हिए मिइन म्रोंब्मुँ।

भजनमैं 6:10

ङए ताँन् शत्तुरमैं फापिल् त्हुब्मुँ; धै खैता-खैता तयाब्मुँ, चमैं फाफिसि तिस्यार्न ङ ङाँइँले स्योयाब्मुँ।

भजनमैं 62:1

क्ह्रोंसेंन ङए सोइ परमेश्‍वरर मत्‍त्रे भों न्हल् योंम्; खीजी ङ जोगेमिंम्।

भजनमैं 62:5

छतसि ओ ङए सो, परमेश्‍वरर मत्‍त्रे भों न्हद्; ङए आशा खीजीन् पूरा लमिंम्।

भजनमैं 69:4

तोन् तोर्न ङलाइ आखोब्मैं ङए क्रप्होमैं भन्दा ल्हें मुँ; तोन् तोर्न ङए शत्तुरमैं ल्हें मुँ; चमैंइ ङ सैल् म्हैम्। ङइ आलुडिबै सैमैं या चमैंइ खैले बिलेया पिंन् बिम्।

भजनमैं 69:6

ओ याहवेह, ताँन् भन्दा थेबै प्रभु, ङइ लमा क्हिने आशा थेंब्मैं फापिल् आत्हुरिगे। ओ इस्राएलए परमेश्‍वर ङइ लमा क्हिलाइ म्हैब्मैं फापिल् आत्हुरिगे।

भजनमैं 71:13

ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

यूहन्‍ना 15:25

दिलेया छ्वेर प्ह्रिथेंबै चु ताँ पूरा तबर छ तब् ग, ‘चमैंइ तोनतोर्न ङलाइ हेल लइ बिसि चर प्ह्रिथेंइमुँ।’

रोमी 8:25

दिलेया आम्रोंबै सैए आशा ङ्योइ थेंस्‍याँ ङ्योइ चए ल्हागिर तो दुःख तलेया ढुक्‍कले पैंरिल् त्‍हुम्।)