भजनमैं 25:2 - परमेश्‍वरए ताँ तमु क्युइर

² ओ ङए परमेश्‍वर, ङइ क्हिए फिर्न भर लइमुँ, ङलाइ फा पिन् आलमिंन्, ङए शत्तुरमैं ङए फिर ट्होगों तल् आपिंन्।

भजनमैं 25:2 ပူးပေါင်းရင်းမြစ်များ

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 142:6

ङइ ग्वार ह्रिब थेमिंनु, तलेबिस्याँ ङ थेबै दुःखर फेइमुँ! ङलाइ ल्हाब्मैंउँइँले जोगेमिंनु, तलेबिस्याँ चमैं ङ भन्दा बेल्‍ले भोंब मुँ!

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 22:1

ओ ङए परमेश्‍वर, ओ ङए परमेश्‍वर, क्हिजी ङ तले पिवाल? सैं आतोंसि क्रोसेया ङ आजोगेमिंल्‍ले क्हि तले ङ ङाँइँले ह्रेंगो तल?

भजनमैं 22:5

चमैंइ ओरदै क्हिनेन् ग्वार ह्रिइ, छतसि चमैं सोइ। चमैंइ क्हिए फिर्न भर लबइले चमैं फा पिल् आत्हुल।

भजनमैं 22:8

“याहवेहजीन् जोगेमिंम् बिसि खीए फिर्न चइ भर लम्। च म्रोंसि याहवेह सैं तोंम्, छतसि खीजीन् चलाइ जोगेमिंरिगे,” बिसि चमैंइ ङलाइ प्ह्रम्।

भजनमैं 31:1

ओ याहवेह, ङ खोंयोंइ फा पिल् आत्हुरिगे बिसि ङ क्हिए प्हलेर ग्वार योंबर खइमुँ। क्हि ठिक के लबै परमेश्‍वर ग। छतसि ङलाइ जोगेमिंन्!

भजनमैं 31:15

ङए छ्ह क्हिए योर्न मुँ; ङए शत्तुरमैं नेरो ङलाइ ह्रुगुदिब्मैंए योउँइँले ङ जोगेमिंन्!

भजनमैं 31:2

ङइ ग्वार ह्रिमा न्ह तोमिंनु; युनन् ङ जोगेमिंनु! क्हि ङए रक्षा लबै पारा तमिंन्, ङलाइ जोगेबै भोंबै किल्‍ला तमिंन्!

भजनमैं 34:8

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

भजनमैं 37:40

याहवेहजी चमैंलाइ ल्होमिंसि जोगेमिंम्; खीजी दुष्‍टमैंउँइँले चमैं फ्रेमिंम् धै चमैंलाइ रक्षा लम्, तलेबिस्याँ चमैंइ खीए प्हलेर्न चमैंइ ग्वार योंम्।

भजनमैं 41:11

ङए शत्तुरमैंइ ङए फिर ट्होल् खाँरिब् आरे। छतसि ङ म्रोंसि क्हि सैं तोंइमुँ बिब ङइ सेइमुँ।

भजनमैं 56:1

ओ परमेश्‍वर, ङए फिर दयाम्हाँया लमिंन्, तलेबिस्याँ त्हिंइतिमिन् म्हिमैं ङने नेबर खम्; धै चमैंइ ङलाइ ह्रुगुदिम्।

भजनमैं 7:1

ओ ङए याहवेह परमेश्‍वर, ङ ग्वार योंबर क्हिए प्हलेर्न खमुँ; ङलाइ दुःख पिंबर ल्हाखब्मैं ताँनउँइँले ङ जोगेमिंन् धै फ्रेमिंन्।

भजनमैं 71:1

ओ याहवेह, ङ ग्वार योंबर क्हिए प्हलेर खइमुँ; ङ खोंयोंइ फापिल् आत्हुरिगे!

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

भजनमैं 94:3

ओ याहवेह, दुष्‍टमैं खोंयों समा, दुष्‍टमैं खोंयों समा सैं तोंरिल् योंब्मुँ?

रोमी 10:11

परमेश्‍वरए छ्वेर चु या बिइमुँ, “खीए फिर भर लब्मैं खाबै या फापिल् त्हुरिब् आरे।”

रोमी 5:5

ङ्योइ थेंबै आशार ङ्यो सैं च्योंब तल् आपिं, तलेबिस्याँ परमेश्‍वरजी खीए पबित्र प्ल्ह ङ्योलाइ पिंइमुँ, छतसि परमेश्‍वरजी ङ्योए फिर बेल्‍ले म्हाँया लइमुँ बिसि पबित्र प्ल्हजी ङ्योए सैं न्‍होंर छेनाले सेल् पिंम्।

१ पत्रुस 2:6

तलेबिस्याँ छ्वेर छले प्ह्रिइमुँ: “सियोन बिबै मन्‍दिरए तेंर ङजीन् त्हाँबै सै लसे लल् आखाँब थेबै क्र युमाँ घ्रि ङइ थेंइमुँ। छतसि खीए फिर बिश्‍वास लब्मैं खोंयोंइ या फापिल् त्हुरिब् आरे।”