भजनमैं 23:6 - परमेश्‍वरए ताँ तमु क्युइर

⁶ क्ह्रोंसेंन्ले क्हिए खोंयोंइ आनुबै म्हाँया नेरो आशिक ङए छ्ह तिगोंन् ङने प्रे तरिब्मुँ, धै ङ खोंयोंन् बिलै याहवेहए धिंर टिब्मुँ।

भजनमैं 23:6 ပူးပေါင်းရင်းမြစ်များ

भजनमैं 103:17

दिलेया खीए मान लब्मैं खीजी खोंयोंन् बिलै म्हाँया लरिम्। धै चमैंए च्ह-क्वेंमैं,

भजनमैं 16:11

क्हिजी खोंयोंइ आखाँबै छ्ह योंबै घ्याँ ङलाइ उइमिंइमुँ; क्हिने त्होमा ङए सैं बेल्‍ले तोंन् लमिंब्मुँ; क्हिए क्योलो योर खोंयोंन् बिलै सैं तोंल् योंम्।

भजनमैं 17:15

ङ ठिक के लसि क्हिए लि ङ्‍ह्‍योब्मुँ, धै छोरमा ङ क्हिलाइ म्रोंसि सैं तोंब्मुँ।

भजनमैं 21:4

चइ क्हिने छ्ह ह्रिमा क्हिजी चलाइ खोंयोंइ आखाँबै छ्ह पिंइ।

भजनमैं 27:4

ङइ याहवेहने ताँ घ्रि ह्रिइमुँ, ङइ म्हैबै ताँ चुन् ग: खी टिबै क्ल्ह‍योर ङइ खीलाइ म्हैल् खाँरिगे, ङए छ्ह तिगोंन् याहवेहए धिंर टिल् योंरिगे, धै खीए छ्याँबै केमैं ङ्ह्‍योल् योंरिगे।

२ कोरिन्थी 1:10

छाबै ङ्हिंन् ङ्हाँबै दुःखउँइँले या परमेश्‍वरजी ङिलाइ जोगेमिंइ। ओं, अझैन खीजी ङिलाइ जोगेमिंब्मुँ। खीजी जोगेमिंब्मुँ बिसि ङिइ खीए फिर्न भर लइमुँ।

२ कोरिन्थी 5:1

चु ङ्योए ज्यु नास तयाम् बिसि ङ्योइ सेइमुँ। दिलेया परमेश्‍वरजी खोंयोंइ नास आतबै स्‍वर्गर्बै धिं ङ्योए ल्हागिर बनेथेंइमुँ। च धिं म्‍हिमैंइ बनेब आङिं, परमेश्‍वरजीन् ङ्योए ल्हागिर बनेमिंब् ग।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

२ तिमोथी 4:18

प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!