भजनमैं 23:5 - परमेश्‍वरए ताँ तमु क्युइर

⁵ ङए शत्तुरमैंए उँइँर, क्हिजी ङए ल्हागिर चब् थुँब तयार लमिंमुँ। क्हिजी ङलाइ प्ह्रेंमैं धोंले मान लइमुँ, धै ङए प्हेल आप्लिंन् समा क्हिजी झोंरिम्।

भजनमैं 23:5 ပူးပေါင်းရင်းမြစ်များ

भजनमैं 104:15

अँगुरए प्हाइ म्हिमैंए सैं तोंन् लब्मुँ, छ्युगुइ म्हिमैंए लि वाँ-वाँ ब्योंल् लब्मुँ धै म्हिमैंए खों भोंब् लबर खीजी क्हें पिंम्।

भजनमैं 116:13

याहवेहजी ङलाइ जोगेमिंइ, छतसि खीलाइ धन्यबाद पिंबर ङ अँगुरए प्हा खीए मिंर पिंब्मुँ।

भजनमैं 16:5

ओ याहवेह, ङइ योंल् त्हुबै सैमैं पिंब क्हिन् ग ङलाइ चैदिबै ताँन् सै क्हिजी पिंम्, ङए छ्ह या क्हिए योर्न मुँ।

भजनमैं 22:26

ङ्हाँदुमैं चसि म्रेंब्मुँ, याहवेह म्हैब्मैंइ खीलाइन थेब् लब्मुँ। धै चमैं खोंयोंन् बिलै सोरिल् योंब्मुँ!

भजनमैं 22:29

ह्‍युलर्बै ताँन् प्लो प्लोब्मैंइ भोज चदै सैं तोंदै क्हिए मिं क्वेब्मुँ। ह्रोंसलाइ जोगेल् आखाँब्मैं सर्न कोंनेल् त्हुब्मुँ, चमैं ताँनइ क्हिए उँइँर्न च्हि तुँब्मुँ।

भजनमैं 45:7

ठिक केमैं लब क्हिजी खोमुँ, आछ्याँबै केमैं बिस्याँ क्हिजी आखो। छतसि परमेश्‍वर, क्हिए परमेश्‍वरजी क्हिए थुमैंलाइ भन्दा क्हिलाइ ल्हें आशिक पिंसि क्हिए सैं तोंन् लमिंइमुँ;

भजनमैं 78:19

“परमेश्‍वरजी क्यु आयोंबै क्‍ल्‍ह्‍योर चबै सैमैं पिंल् खाँम्मा?” बिसि चमैंइ परमेश्‍वरए बिरोधर पोंइ।

भजनमैं 92:10

ङ बिस्याँ क्ह्‍योंर्बै साँढे धोंले क्हिजी ङए भों थेब लमिंब्मुँ; छ्युगु फोसि ङलाइ त्हाँइमुँ।

भजनमैं 92:11

ङए शत्तुरमैं हार्दिब ङए मिइ म्रोंइमुँ; ङए शत्तुरमैं ल्हावाबै ताँ ङए न्हइ थेइमुँ।

मत्ती 6:17

दिलेया क्‍हेमैं बर्त टिमा लि ख्रुसि क्रर छ्युगु फोसि सैं तोंन्ले टिद्।

लूका 7:46

क्‍हिइ ङए क्रर छ्युगु आफोमिं, दिलेया चुइ ङए प्‍हलेरै या सै ल्हें फेबै अत्तर फोमिंइमुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

१ कोरिन्थी 10:16

ङ्योइ प्रभु भोजरि परमेश्‍वरलाइ धन्‍यबाद पिंसि प्‍हेलाउँइँले थुँम्। छले थुँमा ङ्योइ ख्रीष्‍टए कोए भाग योंम्। छलेन क्‍हें चमा ङ्योइ ख्रीष्‍टए ज्युए भाग योंम्।

२ कोरिन्थी 1:21

ङ्योलाइ त्‍हाँसि ख्रीष्‍ट येशूए फिर बिश्‍वास लबर भोंब लमिंब परमेश्‍वरन् ग।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

१ यूहन्‍ना 2:20

दिलेया क्‍हेमैंए फिर ख्रीष्‍टजी पबित्र प्ल्ह प्लिंमिंइमुँ, छतसि क्‍हेमैं ताँनइ क्ह्रोंसेंन्बै ताँ सेइमुँ।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।