भजनमैं 23:3 - परमेश्‍वरए ताँ तमु क्युइर

³ खीजी ङ धबै सोगों लमिंमुँ। ङइ खीए मिं थेब लरिगे बिसि खीजी ङ ठिक घ्याँर डोरेमिंम्।

भजनमैं 23:3 ပူးပေါင်းရင်းမြစ်များ

भजनमैं 106:8

बिरोध ललेया ह्रोंसए बेल्‍ले थेबै शक्‍ति म्रोंरिगे बिसि, खीजी ह्रोंसए मिंए आब्रु जोगेबै ल्हागिर चमैं जोगेमिंइ।

भजनमैं 109:21

दिलेया ओ याहवेह, ङए थेबै प्रभु, ङइ क्हिए मिं थेब लरिगे बिसि ङए फिर ल्हयो खमिंन्; क्हिए खोंयोंइ आनुबै म्हाँया बेल्‍ले थेब मुँ, छतसि ङलाइ जोगेमिंन्।

भजनमैं 119:176

म्हयाबै क्यु धों ङ तप्ररिइमुँ; ह्रोंसए केब्छैंलाइ म्हैदु, तलेबिस्याँ क्हिए ताँमैं ङइ आम्‍लेइमुँ।

भजनमैं 19:7

याहवेहए ठिम खोट आरेब मुँ, च ठिमइ सैं सिब्मैंलाइ भों पिंम्। खीजी बिबै ताँमैं भर लल् खाँब मुँ, आह्र आसेब्मैंलाइ च ताँइ बुद्धि पिंम्।

भजनमैं 31:3

ङ लोबै पारा नेरो ङए किल्‍ला क्हिन् ग; छतसि क्हिए मिं कैंडों तबै ल्हागिर ङलाइ डोरेसि ङ प्रल् त्हुबै घ्याँ उँइँमिंन्।

भजनमैं 31:4

क्हि ङए ग्वार योंबै क्‍ल्‍ह्‍यो ग। ङए ल्हागिर चुबै ङोउँइँले ङ जोगेमिंन्,

भजनमैं 34:3

ङने बा-बालुन् याहवेहए मिं थेब् लद्, धै ङ्यो खागु तसि खीए मिं कैंडो लले!

भजनमैं 5:8

ओ याहवेह, ङए शत्तुरमैं ल्हें मुँ छतसि क्हिए ठिक घ्याँर ङ डोरेमिंन्; क्हिए घ्याँ ङए ओंसों सोजो लमिंन्।

भजनमैं 51:10

ओ परमेश्‍वर, ङए खों छ्याँब लमिंन्, धै ङलाइ ठिक सैं पिंन्।

भजनमैं 51:12

क्हिजी पिंबै मुक्‍तिउँइँले धबै ङ सैं तोंन् लमिंन्, धै आछ्याँबै केमैं या लदा आङ्हाँबै सैं पिंन्।

भजनमैं 79:9

ओ ङिलाइ मुक्ति पिंबै परमेश्‍वर, ङिइ क्हिए मिं थेब लरिगे बिसि ङिलाइ ल्होमिंन्। क्हिए मिं थेब लबै ल्हागिर ङिए पाप क्षमा लसि ङिलाइ जोगेमिंन्।

भजनमैं 85:13

परमेश्‍वरजी लबै ठिक केमैं खीए ओंसों-ओंसों ह्‍याब्मुँ, धै खीए ल्हागिर घ्याँ तयार लब्मुँ।

हितोपदेश 4:11

ङइ क्हिलाइ बुद्धि योंबै ताँमैं लोमिंमुँ; धै ठिक घ्याँर डोरेमुँ।

हितोपदेश 8:20

ङ ठिक घ्याँर प्रम्, धै ठिक निसाफ लम्,

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।