भजनमैं 22:29 - परमेश्‍वरए ताँ तमु क्युइर

²⁹ ह्‍युलर्बै ताँन् प्लो प्लोब्मैंइ भोज चदै सैं तोंदै क्हिए मिं क्वेब्मुँ। ह्रोंसलाइ जोगेल् आखाँब्मैं सर्न कोंनेल् त्हुब्मुँ, चमैं ताँनइ क्हिए उँइँर्न च्हि तुँब्मुँ।

भजनमैं 22:29 ပူးပေါင်းရင်းမြစ်များ

भजनमैं 113:7

खीजी आयों आख्युब्मैं त्हुलउँइँले रेमिंम्, धै ङ्हाँदुमैं मेब्रोए रासउँइँले क्वेमिंम्।

भजनमैं 45:12

टुरोसर्बै म्रुँए च्हमि क्होल्सै किंसि खब्मुँ, प्लबै म्हिमैंइ क्हिनेन् आशा थेंब्मुँ।

भजनमैं 73:7

चमैंए सारो सैंउँइँले दुष्‍ट केमैं खम्; चमैंए सैंइ खोंयोंन् बिलै आछ्याँब ताँ मैंरिम्।

भजनमैं 78:31

चमैंए फिर परमेश्‍वरए थेबै ह्रिस मि धोंले लुँइ। चमैंए न्होंर्बै भोंबै म्हिमैं खीजी सैवाइ, धै इस्राएलर्बै फ्रेंसिमैं ताँन् क्हुरवाइ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

फिलिप्पी 2:10

छतसि स्वर्गरि, पृथ्‍बी फिर नेरो पृथ्‍बी न्होंरि मुँबै ताँन् सो प्ह्‍याबै सैमैंइ येशूए मिंर च्हि तुँल् त्हुब्मुँ।

दर्शन 21:24

ह्‍युलर्बै म्‍हिमैं च सहरर परमेश्‍वरए छ्याँबै ह्‍वेर प्रब्मुँ, झाइले ह्‍युलर्बै म्रुँमैंइ खेंमैंए सै न्होर चर पखब्मुँ।