भजनमैं 22:25 - परमेश्‍वरए ताँ तमु क्युइर

²⁵ ल्हें म्हि च्होंबै क्ल्ह्‍योर ङए छ्याँबै बयन तल् पिंब क्हिन् ग, छतसि क्हिलाइ मान लब्मैंए उँइँर बाछा फैसि लम् बिबै के ङइ पूरा लब्मुँ।

भजनमैं 22:25 ပူးပေါင်းရင်းမြစ်များ

भजनमैं 111:1

याहवेहए मिं थेब लद्! ठिक के लब्मैंए म्हाँजोर नेरो म्हि ल्हें च्होंबै क्ल्ह्‍योर ङए सैं न्होंउँइँले याहवेहलाइ धन्यबाद पिंब्मुँ।

भजनमैं 22:22

ङए अलिमैंए उँइँर क्हिजी लबै छ्याँबै केमैंए बयन लदै ङ क्हिए मिं थेब लब्मुँ। ल्हें म्हि च्होंबै क्ल्ह्‍योरै या ङ क्हिलाइन थेब् लब्मुँ

भजनमैं 35:18

म्हिमैं च्होबै क्ल्ह्‍योर ङइ क्हिलाइन धन्यबाद पिंम्; छलेन ल्हें म्हिए म्हाँजोरै या ङइ क्हिए मिंन् थेब् लब्मुँ।

भजनमैं 56:12

ओ परमेश्‍वर, ङइ क्हिने बालु लबै भकल पूरा लल् त्हुमुँ; क्हिए मिंर ङइ धन्यबादए ख्रो पिंब्मुँ,

भजनमैं 65:1

ओ परमेश्‍वर, सियोनर ङिइ क्हिए मिं क्वेब्मुँ, छले क्हिने फैबै ताँन् भकलमैं ङिइ पूरा लब्मुँ।

भजनमैं 66:13

ङ क्हिए मन्दिरर मिर ख्रोंसि पिंबै ख्रोमैं किंसि खब्मुँ; धै क्हिने लबै भकल पूरा लब्मुँ।

भजनमैं 66:16

परमेश्‍वरलाइ मान लब्मैं, ताँन् खसि थेद्, ङए ल्हागिर खीजी लमिंबै केमैं ङलाइ बिल् पिंन्।