19 दिलेया ओ याहवेह, ङ ङाँइले क्हि ह्रेंगो आतमिंन्! ओ ङए भों, युनन् ङलाइ ग्वार पिंन्।
ओ याहवेह, क्हि तले ह्रेंगो राल? ङए फिर दुःख तमा क्हि तले लोइ टिल?
ओ याहवेह, क्हिजी ङलाइ भों पिंम्, ङइ क्हिलाइ म्हाँया लम्।
ओ याहवेह, क्हिजी शक्ति पिंबइले म्रुँ सैं तोंइमुँ। धै क्हिजी ट्होगों लमिंबइले खी बेल्ले सैं तोंसि उफर्दिइमुँ।
ङ ङाँइले ह्रेंगो आतमिंन्, तलेबिस्याँ ङए न्होह्रों लल् म्हैब्मैं ल्हें मुँ, ङलाइ ल्होमिंब खाबै आरे।
ओ याहवेह, ङलाइ जोगेमिंबै सैं लमिंन्! ओ याहवेह, ङ ल्होबर युनन् युमिंन्!
ङ बिस्याँ आयोंब् नेरो आख्युब मुँ, दिलेया प्रभुजी ङलाइ मैंम्। क्हिजी ङलाइ ल्होसि ताँन् दुःखउँइँले फ्रेमिंम्। ओ ङए परमेश्वर, युनन् यमिंन्।
दिलेया ङ आयोब् नेरो आख्युब मुँ; ओ परमेश्वर, ङए ङाँर युनन् युमिंन्! क्हिजी ङलाइ ल्होसि ताँन् दुःखउँइँले फ्रेमिंम्। ओ याहवेह, युनन् युमिंन्!