भजनमैं 22:16 - परमेश्‍वरए ताँ तमु क्युइर

¹⁶ दुष्‍ट म्हिमैं ङए कारग्युले मुँ, नगिमैंइ धोंले चमैंइ ङ घेर्दिइमुँ, चमैंइ ङए यो प्हलेमैंर खुँ थोंवाइमुँ।

भजनमैं 22:16 ပူးပေါင်းရင်းမြစ်များ

भजनमैं 22:1

ओ ङए परमेश्‍वर, ओ ङए परमेश्‍वर, क्हिजी ङ तले पिवाल? सैं आतोंसि क्रोसेया ङ आजोगेमिंल्‍ले क्हि तले ङ ङाँइँले ह्रेंगो तल?

भजनमैं 22:20

सेलाँउँइँले ङ जोगेमिंन्, चु नगिमैंउँइँले ङ सिल् आपिंन्।

भजनमैं 38:11

ङए क्राँथाँ नाँबै घाइ लमा ङए थुमैं नेरो ङए ङ्‍हेब् ट्हुब्मैं ङउँइँले ह्रेंगो तम्, धै ङए परवामैं या ङ ङाँर आख।

भजनमैं 59:14

ङ्हुर्-ङ्हुरले नगि स्युरब् धोंले ङेस ह्रोंसे खागु तसि चमैं सहरजरे स्युरम्।

भजनमैं 59:6

ङ्हुर-ङ्हुरले ङ्हेदै नगि स्युरब् धोंले ङेस ह्रोंसे खागु तसि चमैं सहरजरे स्युरम्।

भजनमैं 86:14

ओ परमेश्‍वर, घमण्डि म्हिमैं ङए बिरोधर रेइमुँ; दयाम्हाँया आरेब्मैंइ ङलाइ सैल् म्हैइमुँ; धै च म्हिमैंइ क्हिलाइ आमैं।

मत्ती 26:57

खीलाइ क्‍हाबोबै म्‍हिमैंइ येशू कैयाफा बिबै ख्रो पिंबै खेगि क्रथे ङाँर बोइ। चर शास्‍त्रिमैं नेरो चिबनाँब्मैं खागु तल।

मत्ती 27:35

चमैंइ येशूलाइ क्रूसर च्योवाबै लिउँइँ खीए क्‍वें चिट्ठा झोंसि खेंमैंए न्होंर चुइ।

मत्ती 7:6

“पबित्र सैमैं नगिमैं आपिंन्। छले पिंस्‍याँ चमैंइ क्‍हेमैंलाइ च्‍हिवाब्मुँ। छलेन ह्रोंसने मुँबै मोतिमैं तिलिए उँइँर आभ्योंन्, चमैंइ च मोतिमैं हिलर प्‍हलेइ प्‍लेवाम्।

मर्कूस 15:24

झाइले चमैंइ येशूए यो प्हलेर काँटि क्योसि क्रूसर च्योवाइ, धै येशूए क्‍वेंमैं चिट्ठा झोंसि चमैंइ चुइ।

लूका 23:23

दिलेया चमैं झन् बेल्‍ले थेबै कैले “चलाइ क्रूसर च्‍योवालन् त्‍हुम् बिदै ओरइ।” लिउँइँ पिलातसइ चर मुँबै म्हिमैंइ बिब् धोंन् लल् त्‍हुइ।

लूका 23:33

चमैं क्र खोप्‍लें बिबै क्‍ल्‍ह्‍योर फेनेसि चमैंइ येशूलाइ क्रूसर च्‍योवाइ। धै च आछ्याँबै के लबै म्हि ङ्हिं या घ्रि खीए क्योलोउँइ, घ्रि खीए त्हेब्रेउँइँ क्रूसर च्योवाइ।

यूहन्‍ना 19:23

झाइले सिपाइमैंइ येशू क्रूसर च्योवासि खीए क्वें प्लिसि प्लिबाँ लसि ताँन् सिपाइमैंइ चुइ। धै खीए फिर्बै क्वें या चमैंइ किंइ। च क्वें ताइले माइ समन् आटुल्‍ले योइ रोब् मुँल।

यूहन्‍ना 19:34

दिलेया सिपाइमैं न्होंर्बै घ्रिइ खीए कोखर बर्साइ ल्हिबै तोदोंन् को नेरो क्यु त्होंइ।

यूहन्‍ना 19:37

धबै परमेश्‍वरए छ्वेर्बै अर्को क्ल्ह्‍योर छले बिइमुँ। “चमैंइ म्‍लोबै म्हिलाइ ङ्‍ह्‍योब्मुँ।”

यूहन्‍ना 20:25

छतसि अरू चेलामैंइ थोमाने बिइ, “ङिइ प्रभु म्रोंइ।” दिलेया थोमाइ चमैंने बिइ, “खीए किला क्योबै यो आम्रोंन् समा धै किला क्योबै यो नेरो खीए कोखर ङए यो आझोंन् समा ङ चु ताँ क्वेंरिब् आरे।”

यूहन्‍ना 20:27

झाइले खीजी थोमाने बिइ, “योरि चुर झोंसि ङए योमैं ङ्‍ह्‍योद्। धै क्‍हिए यो ङए कोखरै झोंन्। संका आलल्‍ले बिश्‍वास लद्।”

फिलिप्पी 3:2

आछ्याँबै के लब्‍मैं, नगिमैं धोंले नेब्मैं, नेरो ज्युर्बै ट्हुबि क्‍याँब्मैंउँइँले न्ह क्रों मि क्रोंले टिद्।

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।