भजनमैं 22:14 - परमेश्‍वरए ताँ तमु क्युइर

¹⁴ क्यु ङेयाब् धोंले ङए भों नुयाइमुँ, ङए ह्रिबए जोर्निमैं ताँन् प्ल्ह्‍याइमुँ। ङए खों युलुयाबै मम् बत्ति धोंन् तयाइमुँ।

भजनमैं 22:14 ပူးပေါင်းရင်းမြစ်များ

भजनमैं 22:17

ङए ताँन् ह्रिबमैं ङइ च्योल् खाँम्, म्हिमैंइ आछ्याँबै सैंले ङ ङाँइ ङ्ह्‍योबै ङ्‍ह्‍योबन् लम्।

भजनमैं 31:10

तलेबिस्याँ ङए छ्ह दुःखर, नेरो ङए त्हिंइमैं शोकर थोइमुँ, ङइ लबै आछ्याँबै केमैंइ लमा ङए भों नुयाइमुँ, धै ङए ह्रिब्मैं या ङ्युयाइमुँ।

भजनमैं 35:21

चमैंइ ङलाइ प्ह्रमा “क्हिइ लबै के ङिए मिइन म्रोंल् योंइ!” बिसि अझै ङए बिरोधर्न पोंम्।

भजनमैं 68:2

खैले खैंइ मिगु बोमु, छलेन क्हिइ चमैंलाइ बोब्मुँ; मिए ङाँर क्योलों युलियाब् धोंले परमेश्‍वरए उँइँर आछ्याँबै के लब्मैं नास तयाब्मुँ!

मत्ती 26:38

छतमा खीजी चमैंने बिइ, “ङए सैंर थेबै शोक तसि सिब् धोंन् तइमुँ। क्‍हेमैं न्हरु आच्हुल्‍ले ङने बालुन् चुर्न टिद्।”

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

यूहन्‍ना 12:27

“तोगो ङए सैं खैता-खैता ङ्हाँइमुँ। छतसि ङइ तो बिले? ‘ओ आबा, चु खबि छेबै दुःखउँइँले ङ जोगेमिंन्,’ बिब् उ? आङिं, तलेबिस्याँ चु दुःख नोबै ल्हागिर्न ङ चु ह्‍युलर युब् ग।