भजनमैं 21:7 - परमेश्‍वरए ताँ तमु क्युइर

⁷ तलेबिस्याँ म्रुँइ याहवेहए फिर भर थेंम्, ताँन् भन्दा थेबै परमेश्‍वरए खोंयोंइ आनुबै म्हाँया चए फिर मुँबइले च खोंयोंइ ङ्हिंल् त्हुरिब् आरे।

भजनमैं 21:7 ပူးပေါင်းရင်းမြစ်များ

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 16:8

ङइ याहवेह खोंयोंइन ङए ओंसों थेंइमुँ। ङए क्योलोउँइँ खी मुँ, छतसि ङ छाइ छुइ तरिब् आरे।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 26:1

ओ याहवेह, ङने तोइ छ्याब् आरे बिसि उँइँमिंन्, तलेबिस्याँ ङइ छ्याब् खबै केमैं आलइमुँ, धै ङइ तिफुँइ छाइ-छुइ आतल्‍ले क्हिए फिर्न भर लइमुँ।

भजनमैं 45:3

ओ थेब शक्‍ति मुँबै म्रुँ, क्हिए थेबै मिंए मान नेरो क्हिए थेबै केमैं उँइँबै ल्हागिर ह्रोंसए क्रेर सेलाँ खिद्।

भजनमैं 61:4

खोंयोंन् बिलै क्हिए तम्बुर ङलाइ टिल् पिंन्! क्हिए प्ह्‍यागोंमैंइ ङए रक्षा लद्। तिस्याँदे मैंन्

भजनमैं 72:17

चए मिं खोंयोंन् बिलै तरिगे, त्हिंयाँ धोंले चए बयन ल्हें समा तरिगे! ताँन् ह्रेंमैंइ चउँइँले आशिक योंरिगे, धै चमैंइ चए मिं थेब् लरिगे।

भजनमैं 9:2

ङ क्हिनेन् सैं तोंसि उफर्दिब्मुँ। ओ ताँन् भन्दा थेबै परमेश्‍वर, ङ क्हिए मिंर्न क्वे प्रिंब्मुँ।

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

हिब्रू 2:13

अर्को क्‍ल्‍ह्‍योरै या खीजी बिइमुँ, “ङइ खीए फिर्न भर लमुँ।” अर्को क्‍ल्‍ह्‍योरै या खीजी बिइमुँ, “ङ्ह्‍योद्, ङ नेरो परमेश्‍वरजी ङलाइ पिंबै च्ह च्हमिंमैं।”