भजनमैं 21:5 - परमेश्‍वरए ताँ तमु क्युइर

⁵ क्हिजी ट्होंगों लमिंबइले खीए मिं थेब तइमुँ, क्हिजी चए मिं थेब् लसि म्रुँमैंइ योंब् धों तबै मान पिंइमुँ।

भजनमैं 21:5 ပူးပေါင်းရင်းမြစ်များ

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 133:3

हेर्मोन बिबै कोंर्बै शीत धोंन् च छ्याँब तम्! च शीत सियोनर्बै कोंमैंर युम्। चर्न खोंयोंइ आखाँबै छ्ह योंबै आशिक युरिगे बिसि याहवेहजी बिइमुँ।

भजनमैं 3:3

दिलेया ओ याहवेह, क्हि ङलाइ जोगेमिंबै ढाल ग, क्हिजी ङलाइ मान पिंम्, क्हिजी ङए क्र कैंडो लमिंम्।

भजनमैं 61:7

च परमेश्‍वरए ओंसों खोंयोंन् बिलै राजगद्दिर टिरिगे; क्हिजी खोंयोंइ आनुबै म्हाँया लबइले नेरो च क्हिए फिर भर लल् खाँबइले चए रक्षा लमिंन्!

भजनमैं 62:7

परमेश्‍वरए फिर बिश्‍वास लसि ङइ मुक्‍ति नेरो मान योंमुँ। ङए भोंबै पारा नेरो ङए ग्वार योंबै क्‍ल्‍ह्‍यो परमेश्‍वरन् ग।

भजनमैं 8:5

क्हिजी म्हिए च्हलाइ स्वर्गदूतमैं भन्दा च्युगुदे न्होंवाँइ थेंमिंइ, धै लिउँइँ खीलाइ थेबै मानए मुकुट कुमिंइ।

भजनमैं 96:6

खीए उँइँर इजेत नेरो मान मुँ; खीए पबित्र क्‍ल्‍ह्‍यो म्रोंमा खी कति भोंब मुँ, कति छ्याँब् मुँ बिसि सेल् खाँम्।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

यूहन्‍ना 17:1

चु ताँ बिल् खाँबै लिउँइँ येशूजी स्वर्गउँइँ ङ्‍ह्‍योसि बिइ, “ओ आबा, क्जिजी तोक्दिबै त्हे तखइमुँ। च्हइ क्हिए थेबै मान उँइँमिंरिगे बिसि च्हए थेबै मान तल् पिंन्।

यूहन्‍ना 17:22

क्हि नेरो ङ घ्रिन् तब् धोंलेन् चमैं या घ्रिन् तरिगे बिसि क्हिजी ङने पिंबै मान ङइ चमैंलाज्यै या पिंइँमुँ।

यूहन्‍ना 17:5

ओ आबा, ह्‍युल बनेब् भन्दा ओंसोंन् क्हि ङाँर ङला थेबै मान मुँल। तारे ङ क्हि ङाँर खमा च थेबै मान ङलाइ पिंन्।

हिब्रू 8:1

ङिइ बिल् म्हैबै थेबै ताँ चुन् ग: ङ्योला छाबै ख्रो पिंबै खेगि क्रथे मुँ, खी स्‍वर्गर ताँन् भन्दा थेबै परमेश्‍वरए क्‍योलोउँइँ (कयोउँइँ) गद्दिर क्हुँइमुँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।