भजनमैं 20:6 - परमेश्‍वरए ताँ तमु क्युइर

⁶ याहवेहजी ह्रोंसजी त्हाँबै म्हिलाइ ल्होमिंमुँ। खीजी खीए पबित्र स्‍वर्गउँइँले ह्रोंसए क्योलो योर मुँबै जोगेमिंबै भोंउँइँले, ह्रोंसइ त्हाँबै म्हि जोगेमिंब्मुँ बिसि ङइ तोगो सेइमुँ।

भजनमैं 20:6 ပူးပေါင်းရင်းမြစ်များ

भजनमैं 17:7

ओ प्रभु, ह्रोंसए शत्तुरमैंउँइँले जोगेबै ल्हागिर क्हिने ग्वार ह्रिखब्मैंलाइ क्हिजी ह्रोंसए क्योलो योइ जोगेमिंसि, क्हिए खोंयोंइ आनुबै म्हाँयाजी लबै प्लेटोयान् तबै केमैं उँइँमिंन्।

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 18:50

खीजी ह्रोंसए म्रुँलाइ ट्होगों लमिंम्, धै खीजी त्हाँबै म्रुँ दाऊद नेरो चए सन्तानए फिर खोंयोंइ आनुबै म्हाँया लरिम्।

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

भजनमैं 28:8

याहवेहजी खीए म्हिमैंलाइ भों पिंम्, धै खीजी त्हाँबै म्रुँ जोगेसि रक्षा लमिंम्।

भजनमैं 41:11

ङए शत्तुरमैंइ ङए फिर ट्होल् खाँरिब् आरे। छतसि ङ म्रोंसि क्हि सैं तोंइमुँ बिब ङइ सेइमुँ।

भजनमैं 9:15

अरू ह्रेंमैं ह्रोंसइ ताबै होंल्दोंर खेंमैंन् पायाइमुँ, चमैंइ लोसि चुबै ङोइ चमैं ह्रोंसन् स्याइमुँ।

मत्ती 6:9

क्‍हेमैंइ प्राथना लमा छले लद्: ओ स्‍वर्गर मुँबै ङिए परमेश्‍वर आबा, क्हिए मिं पबित्र तरिगे।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।