भजनमैं 20:5 - परमेश्‍वरए ताँ तमु क्युइर

⁵ क्हिजी ट्‍होमा ङि सैं तोंदै क्हिए जय-जय लब्मुँ, धै ङिए परमेश्‍वरए मिं क्वेदै ङि ह्रोंसए झन्डा क्वेब्मुँ। याहवेहजी क्हिइ ह्रिबै तोन्दोंरि सैमैं पिंरिगे।

भजनमैं 20:5 ပူးပေါင်းရင်းမြစ်များ

भजनमैं 118:15

“याहवेहए क्योलो योजी शक्‍तिए के लइमुँ,” बिसि ठिक के लब्मैंइ तम्बुर सैं तोंबै कै नेरो ट्होब कै तेम्।

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 19:4

दिलेया चमैंए कै ह्‍युल तिगोंन् कोनिइमुँ, चमैंइ पोंबै ताँमैं ताँन् ह्‍युलर फेनेइमुँ, खीजी त्हिंयाँ टिबै ल्हागिर मुर क्ल्‍ह्‍यो घ्रि लथेंइमुँ।

भजनमैं 21:1

ओ याहवेह, क्हिजी शक्‍ति पिंबइले म्रुँ सैं तोंइमुँ। धै क्हिजी ट्होगों लमिंबइले खी बेल्‍ले सैं तोंसि उफर्दिइमुँ।

भजनमैं 21:3

छ्याँ-छ्याँबै सैमैं पुयुसि क्हि चने त्होबर युइ, धै छ्याँबै माराए मुकुट चए क्रर कुमिंइ।

भजनमैं 35:9

ङ बिस्याँ याहवेहनेन् सैं तोंब्मुँ, छले खीजी ङलाइ जोगेमिंबइले ङए सैं बेल्‍ले तोंब्मुँ।

भजनमैं 60:4

दिलेया मेत्हलेमैं छेब्मैंउँइँले जोगेबै ल्हागिर क्हिलाइ मान लब्मैंए ल्हागिर क्हिजी झन्डा घ्रि क्योमिंइमुँ। तिस्याँदे मैंन्

भजनमैं 9:14

यरूशलेमर्बै तगररि ङइ क्हिए मिं थेब लरिमा क्हिजी ङलाइ जोगेमिंबइले ङ सैं तोंसि चर टिल् योंरिगे बिसि ङ कालए सुँउँइँले फ्रेमिंन्।

प्रस्थान 17:15

मोशाइ चर ख्रो पिंबै क्ल्ह्‍यो घ्रि बनेसि चए मिं “याहवेह ङए ताच्यैं (झन्डा) ग” थेंइ।

लूका 1:47

ङलाइ जोगेमिंबै परमेश्‍वरने बालु ङ बेल्‍ले सैं तोंम्।