भजनमैं 19:9 - परमेश्‍वरए ताँ तमु क्युइर

⁹ खीलाइ मान लद् बिबै ताँ छ्याँब मुँ, धै खोंयोंन् बिलै तरिब्मुँ। याहवेहए ठिमर्बै ताँमैं क्ह्रोंसेंन्बै मुँ, चु ताँमैं ठिक मुँ।

भजनमैं 19:9 ပူးပေါင်းရင်းမြစ်များ

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

उत्पत्ति 42:18

सोंरो लिउँइँ योसेफइ चमैंने बिइ, “ङ परमेश्‍वरने ङ्हिंबै म्हि ग। छतसि क्हेमैंइ चु के लस्याँ क्हेमैं सोब्मुँ।

भजनमैं 10:5

चमैंइ लबै केमैं खोंयोंन् बिलै चमैंए सैंर मैंब् धोंन् तम्। चमैं थेब् प्हैंरिम्, छतसि क्हिए ठिममैं चमैंउँइँले ह्रेंगो तम्। चमैंइ ह्रोंसए ताँन् शत्तुरमैं प्ह्रम्।

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

भजनमैं 115:13

याहवेहलाइ मान लब्मैं थेब च्योंब ताँनलाइ, खीजी आशिक पिंब्मुँ।

भजनमैं 119:1

छ्याब् आरेब्मैंइ आशिक योंम्; चमैं याहवेहए ठिमर बिब् धोंले प्रम्।

भजनमैं 119:106

क्हिए ठिक निसाफमैंइ बिब् धोंबै के लब्मुँ बिसि ङइ कसम चइमुँ।

भजनमैं 119:111

क्हिजी बिबै ताँमैं ङए ल्हागिर मारा मुइ भन्दा थेब मुँ, च ताँमैंइ खोंयोंइ बिलै ङ‍ए सैं तोंन् लम्।

भजनमैं 119:142

क्हिजी लबै ठिक केमैं खोंयोंन् बिलै तरिमुँ, धै क्हिए ठिमर क्ह्रोंसेंन्बै ताँमैं मुँ।

भजनमैं 119:39

क्हिए ठिममैं छ्याँब मुँ, दिलेया च ठिममैं म्हाँदिबइले म्हिमैंइ ङलाइ प्ह्रम्। ङ फा पिल त्हुलै बिसि ङ ङ्हिंम्। छतसि ङलाइ प्ह्रबै म्हिमैं ङउँइँले स्योमिंन्!

भजनमैं 119:62

क्हिजी लबै ठिक निसाफमैंए ल्हागिर म्हुँइँस आधरैया क्हिलाइ धन्यबाद पिंबर ङ रेम्।

भजनमैं 119:7

क्हिए ठिक ठिममैं लोसि ङए छ्याँबै सैंइ क्हिए मिं थेब् लब्मुँ।

भजनमैं 119:75

ओ याहवेह, क्हिजी लबै निसाफमैं ठिक मुँ। तले ङलाइ दुःख पिंइ बिस्याँ क्हि भर लल् खाँब मुँ बिसि ङइ सेइमुँ।

भजनमैं 12:7

ओ याहवेह, ङिए रक्षा क्हिजी लमिंब्मुँ, क्हिजी खोंयोंन् बिलै छाबै म्हिमैंउँइँले जोगेसि थेंमिंब्मुँ,

भजनमैं 147:19

खीजी ह्रोंसए ताँ याकूबने धै ह्रोंसए ठिममैं नेरो निसाफमैं इस्राएलने उँइँमिंइमुँ।

भजनमैं 36:1

दुष्‍ट म्हिइ लबै आछ्याँबै केमैंए बारेर ङए खोंर ताँ घ्रि मुँ, च ताँ तो जा बिस्याँ च परमेश्‍वर म्रोंसि आङ्हिं।

भजनमैं 36:6

ओ याहवेह, क्हिजी लबै ठिक के बेल्‍ले थेबै कोंमैं धों तब् मुँ; क्हिजी लबै निसाफमैं तो सैज्यै या लाल् आखाँबै मा ङ्युँइए गैरु धों तब मुँ; क्हिजी म्हिलाइ मत्‍त्रे आङिं, ताँन् सो प्ह्‍याबै सैंमैंलाइ वास्ता लम्।

प्रस्थान 21:1

“तारे ङइ क्हेमैंए ल्हागिर पिंबै ठिममैं चुन् ग।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

रोमी 11:22

परमेश्‍वरजी खैले ल्हयो खमुँ, छलेन सैं सारो या लम् बिसि सैंर मैंन्। खीउँइँले फ्रेयाब्‍मैंने परमेश्‍वरजी सैं सारो लमुँ, दिलेया क्‍हेमैं परमेश्‍वरए ल्हयो न्होंरि टिरिस्‍याँ क्‍हेमैंइ परमेश्‍वरए ल्हयो योंम्। आस्‍याँ थोवाबै हाँगमैंलाइ धोंले क्हेमैंलाज्यै या थोवाब्‍मुँ।

रोमी 2:2

परमेश्‍वरजी निसाफ लमा छाबै के लबै म्हिमैं दोषि ठर्दिम् बिबै ताँ ङ्योइ सेइमुँ।

दर्शन 15:3

चमैंइ परमेश्‍वरए के लबै स्‍योंम्‍बै मोशा नेरो क्‍यु च्हजए भजन प्रिंरिल: “ओ ताँन् भन्दा भोंबै याहवेह परमेश्‍वर, क्‍हिए केमैं बेल्‍ले थेब नेरो औदिबै मुँ! ओ ताँन् ह्रेंमैंए म्रुँ, क्‍हिजी लबै के ठिक नेरो क्ह्रोंसेंन्बै मुँ।

दर्शन 16:7

च लिउँइँ ख्रो पिंबै क्ल्ह्‍योइ छ बिब ङइ थेइ, “ओ ताँन् भन्दा थेबै शक्‍ति मुँबै याहवेह परमेश्‍वर, क्‍हिजी क्ह्रोंसेंन्बै ठिक निसाफ लमुँ।”

दर्शन 19:2

खीजी ठिक निसाफ लम्। पृथ्‍बीर्बै ताँन् म्‍हिमैंलाइ ब्यभिचार लबर ल्हैदिसि न्होंवाबै च फ्यालुस्योलाइ खीजी दण्ड पिंइमुँ। छले खीए के लब्‍मैंलाइ सैवाबै खि खीजी किंइ।”