भजनमैं 19:13 - परमेश्‍वरए ताँ तमु क्युइर

¹³ क्हिए केब्छैंइ ह्रना-ह्रन् पाप केमैं लल् आपिंन्? च सैमैंइ ङलाइ पापर च्होवाल् आखाँरिगे, छ लस्याँ ङ क्हिए उँइँर छ्याब् आरेब तब्मुँ, धै थेबै अपराधउँइँले जोगेसि ङ दोष आरेब् तब्मुँ।

भजनमैं 19:13 ပူးပေါင်းရင်းမြစ်များ

उत्पत्ति 20:6

झाइले परमेश्‍वरजी अबीमेलेकने म्होंडर बिइ, “अँ, क्हिए छ्याँबै सैंउँलेन् चु के लब् ग बिसि ङइ सेइमुँ। ङए उँइँर क्हिइ आछ्याँबै के आलरिगे बिसि क्हि जोगेमिंब ङन् ग। छतसि ङइ च च्हमिरि क्हिइ छुइल् आपिंल।

भजनमैं 11:7

तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 119:133

क्हिजी फैबै बाछाइ बिब् धोंलेन् ङलाइ ठिक घ्याँर डोरेमिंन्, तोइ सैज्यै या ङलाइ पापर च्होवाल् आखाँरिगे।

भजनमैं 18:23

ङइ आछ्याँबै केमैं तोइ आलल्‍ले टिल। छतसि खीए उँइँर ङ छ्याब् आरेब् मुँल।

भजनमैं 7:10

परमेश्‍‍वरन् ङए ढाल ग, छ्याँबै खों मुँब्मैं खीजी जोगेमिंम्।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

प्रस्थान 21:14

दिलेया म्हि ह्रिस खसि दाउ ङ्‍ह्‍योसि म्हिलाइ सैइ बिस्याँ, छाबै म्हिलाइ सैबर बोयाद्, ङए ख्रो पिंबै क्ल्ह्‍योर ह्‍यसि टिलेया सैबर बोयाद्।

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।