भजनमैं 18:9 - परमेश्‍वरए ताँ तमु क्युइर

⁹ खी स्वर्ग थोंसि क्युरु युइ; म्‍लोंकि ब्योंबै न्हाँम्स्यो खीए प्हले न्होंर मुँल।

भजनमैं 18:9 ပူးပေါင်းရင်းမြစ်များ

भजनमैं 50:3

ङ्योए परमेश्‍वर युसिन् मुँ, युसि खी च्याँले टिरिब् आरे; खीए ओंसों लुँबै मि मुँ, खीए कारर्ग्युले नाँ-खैंमैं मुँ।

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

भजनमैं 97:3

खीए ओंसों ओंसों मि ह्‍यामुँ, धै खीए कारर्ग्यु मुँबै शत्तुरमैं ख्रोंवाम्।

प्रस्थान 19:18

याहवेह मि तसि चर युबइले सिनै कों मिखु-मिखुइ प्लिंयाँइ। मिए भट्टिउँइँले मिखु त्होंब् धोंलेन् मिखु त्होंमा कोंमैं बेल्‍ले त्हारबर होंइ।

मत्ती 24:29

“च दुःख तबै त्हिंइ खाँबै तोदोंन् त्‍हिंयाँ मिछु खैयाब्‍मुँ, लयाँ या चाररिब् आरे, धै मुसारमैं या मुउँइँले तेयाब्‍मुँ। छले मुर मुँबै सैमैं ताँन् लायाब्‍मुँ।

मर्कूस 15:33

त्‍हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु तयाइ।

यूहन्‍ना 13:7

येशूजी चने बिइ, “ङइ तो लरिइमुँ क्‍हिइ तोगो आक्हो। लिउँइँ बिस्याँ क्हिइ क्‍होब्‍मुँ।”

हिब्रू 12:26

च त्हेर परमेश्‍वरए कैइ पृथ्‍बी त्हारल, दिलेया तारे खीजी बाछा फैसि बिइमुँ, “अझै तिखे पृथ्‍बी मत्‍त्रे आङिं, स्‍वर्ग या ङइ लाब्‍मुँ।”

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।