भजनमैं 18:30 - परमेश्‍वरए ताँ तमु क्युइर

³⁰ परमेश्‍वरए बारेर बिब् ग बिस्याँ, खीए घ्याँ बेल्‍ले छ्याँब मुँ, याहवेहजी बिबै बाछा भर लल् खाँब मुँ; खीए प्हलेर ग्वार योंब्मैं ताँनए ल्हागिर ढाल ग।

भजनमैं 18:30 ပူးပေါင်းရင်းမြစ်များ

भजनमैं 119:140

क्हिजी फैबै बाछार्बै ताँमैं जाँच लसि पक्‍का मुँ, छतसि क्हिए के लबै म्हिइ च ताँ बेल्‍ले खोम्।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 17:7

ओ प्रभु, ह्रोंसए शत्तुरमैंउँइँले जोगेबै ल्हागिर क्हिने ग्वार ह्रिखब्मैंलाइ क्हिजी ह्रोंसए क्योलो योइ जोगेमिंसि, क्हिए खोंयोंइ आनुबै म्हाँयाजी लबै प्लेटोयान् तबै केमैं उँइँमिंन्।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

हितोपदेश 30:5

परमेश्‍वरए ताँ छ्याब आरेब मुँ; खीए प्हलेर खब्मैं ताँनल खी ढाल ग।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

दर्शन 15:3

चमैंइ परमेश्‍वरए के लबै स्‍योंम्‍बै मोशा नेरो क्‍यु च्हजए भजन प्रिंरिल: “ओ ताँन् भन्दा भोंबै याहवेह परमेश्‍वर, क्‍हिए केमैं बेल्‍ले थेब नेरो औदिबै मुँ! ओ ताँन् ह्रेंमैंए म्रुँ, क्‍हिजी लबै के ठिक नेरो क्ह्रोंसेंन्बै मुँ।