भजनमैं 18:3 - परमेश्‍वरए ताँ तमु क्युइर

³ ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 18:3 ပူးပေါင်းရင်းမြစ်များ

भजनमैं 144:1

याहवेह ङ रक्षा लमिंबै पारा ग, छतसि ङ खीए मिं थेब् लब्मुँ। ङए योमैं नेबर, नेरो ङए योरिंमैं ल्हडें लबर खीजी लोमिंमुँ।

भजनमैं 145:3

याहवेह थेब मुँ, धै थेब् लसि म्हाँदिल् त्हुब मुँ, खी कति थेब मुँ बिसि खाबज्यै क्होल् आखाँ।

भजनमैं 3:4

ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 31:4

क्हि ङए ग्वार योंबै क्‍ल्‍ह्‍यो ग। ङए ल्हागिर चुबै ङोउँइँले ङ जोगेमिंन्,

भजनमैं 48:1

याहवेह बेल्‍ले थेब मुँ, धै ङ्योए परमेश्‍वरए सहरर, खीए पबित्र कोंर, खी बेल्‍ले थब् लल् त्हुब मुँ!

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 55:16

दिलेया ङ परमेश्‍वरने बिन्ति लमुँ, धै याहवेहजी ङ जोगेमिंब्मुँ।

भजनमैं 62:3

खोंयों समा क्हेमैंइ म्हिए न्होह्रों लरिमुँ? फुयाबै गारा नेरो आभोंबै बार धों तबै म्हिलाइ क्हेमैं ताँन् त्हुँसि क्र ओलै आखाँन् लब् वा?

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

भजनमैं 71:3

ङ क्हि ङाँर खरिमा ङए शत्तुरमैंइ ङ आस्यारिगे बिसि ङ रक्षा लमिंबै पारा तमिंन्। ङलाइ जोगेबर ल्हैदिद्, तलेबिस्याँ क्हि ङए ङ रक्षा लमिंबै पारा नेरो किल्‍ला ग।

भजनमैं 76:4

क्हि बेल्‍ले चारबै ह्‍वे ग, ह्रोंसए शत्‍तुरमैं ट्होवासि कोंउँइँले क्युरु युमा क्हि बेल्‍ले ङ्‍हो ल्होंब्मुँ।

भजनमैं 91:15

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

भजनमैं 96:4

तलेबिस्याँ याहवेह बेल्‍ले थेब मुँ, धै खीए मिं बेल्‍ले नुल्‍ले क्वेल् त्हुब मुँ; ताँन् देवतामैंल् भन्दा खीए मिं बेल्‍ले क्वेल् त्हुम्।

लूका 1:71

खीजी ङ्योए शत्तुरमैं नेरो ङ्योए फिर खैच्हिजिले पोंब्‍मैंउँइँले ङ्यो जोगेमिंइमुँ।

चेला चिब्मैंए केमैं 2:21

दिलेया याहवेहए मिं किंब्मैंइ मुक्‍ति योंब्मुँ।’

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”