20 ङइ ठिक के लबइले याहवेहजी ङ इनाम पिंइ, ङए योइ लबै छ्याँबै केमैं ङ्ह्योसि खीजी ङ आशिक पिंइ।
बेल्ले दु:ख तमा ङइ याहवेहने ग्वार ह्रिइ, खीजी ङने ज्वाफ पिंइ, धै ङए दुःखउँइँले फ्रेमिंइ।
छतसि याहवेहजी ङइ लबै ठिक के, नेरो खीए उँइँर ङए योमैंइ लबै ठिक केमैं ङ्ह्योसि ङलाइ आशिक पिंइँमुँ।
आछ्याँबै केमैं आलब्मैं, छ्याँबै सैं प्ह्याब्मैं, कु ङाँइ सैं आल्हैदिब्मैं धै स्योलिबै ताँर कसम आचब्मैंन्, याहवेहए कोंर क्रेल् खाँम्।
ओ याहवेह, ङए योइ छ्याब् खबै केमैं तोइ आलइमुँ; छतसि क्हिए मिंर ख्रो पिंबै क्ल्ह्योर क्हिए मिं क्वेदै ङ प्रम्।
ओ याहवेह, ङए फिर दयाम्हाँया लमिंन्, तलेबिस्याँ ङ थेबै दुःखर फेइमुँ, शोकइ लमा ङए मि आचारइमुँ, धै ङए सैं च्योंयाइमुँ, ङए ज्यु या कारयाइमुँ।
छाब् म्रोंसि “ठिक के लब्मैंइ क्ह्रोंसेंन इनाम योब् मुँन; धै पृथ्बीर ठिक निसाफ लब परमेश्वर मुँन,” बिसि म्हिमैंइ बिब्मुँ।
ओ ङए याहवेह परमेश्वर, ङए योइ तोइ आछ्याँबै केमैं लइमुँ बिस्याँ,
याहवेहजी ताँन् ह्रेंमैंए फिर निसाफ लब्मुँ। ओ याहवेह, ङइ लबै ठिक के अनुसार्बै नेरो ङने तोइ छ्याब् आरेब अनुसार्बै ङए ठिक निसाफ लमिंन्।
दुष्ट म्हिइ छलु म्हिलुए के लम्; दिलेया छलु म्हिलु आलल्ले ठिक के लबै म्हिइ खैलसे या इनाम योंम्।
क्हिइ दान पिंमा खाबज्यै या आसेल्ले पिंन्। आम्रोंल्ले पिंब् म्रोंबै क्हिए आबाजी क्हिलाइ इनाम पिंब्मुँ।
प्लु प्लुबै म्हि नेरो क्यु झोंबै म्हिए के घ्रिन् ग। चमैंइ लबै के अनुसार्बै नों सै परमेश्वरजी चमैंलाइ पिंब्मुँ।
ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्वरजी पापि म्हिमैंउँइँले स्यो लसि खीलाइ स्वर्ग भन्दा ताइ थेंमिंइमुँ।