भजनमैं 18:13 - परमेश्‍वरए ताँ तमु क्युइर

¹³ याहवेहजी स्वर्गउँइँले थेबै कै तेमा, ताँन् भन्दा थेबै परमेश्‍वरए कै खन्तोंदोंन् कोयाइ। छतमा तिस्यु नेरो मिए राब तेयुइ।

भजनमैं 18:13 ပူးပေါင်းရင်းမြစ်များ

भजनमैं 104:7

दिलेया क्हिजी हौदिमा क्यु न्हेयाइ, क्हिए कै थेबै तोदोंन् च क्यु स्योयाइ।

भजनमैं 11:6

आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

भजनमैं 140:10

लुँरिबै मिए राब चमैंए फिर उँयारिगे! बेल्‍ले लुँरिबै मिर चमैं भ्योंवारिगे, धै रेलै आखाँन्ले चमैं हिल् मुँबै होल्दोंर तेयारिगे!

भजनमैं 78:48

खीजी चमैंए खेदोमैं तिस्युइ धै चमैंए र-क्युए बगल कम्‍लि-तिम्‍लिइ ल्हिल् पिंइ।

प्रस्थान 20:18

च त्हेर काम्‍लि तिम्‍लि रासि मु ङ्‍हेब नेरो थुतुरिए कै थेइ धै कोंउँइँले मिखु खब म्रोंसि चमैं थरथरले त्हारसि ह्रेंगोन् रारिइ।

प्रस्थान 9:24

तिस्यु युसि काम्‍लि-तिम्‍लि राइ। छाबै तिस्यु मिश्र ह्‍युलर ओंसों खोंयोंइ आयुल!

यूहन्‍ना 12:29

चर रारिबै म्हिए हुलइ च कै थेसि “मु ङ्‌हेब् ग,” बिइ। कोइइ “स्‍वर्गदूत खीने पोंब् ग,” बिइ।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 4:5

च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।