8 क्हिए मिफुँ धोंले ङ जोगेसि थेंमिंन्।
ओ परमेश्वर, ङ जोगेमिंन्, तलेबिस्याँ ङ क्हिए प्हलेर ग्वार योंबर खइमुँ।
ओ याहवेह, क्हिए खोंयोंइ आनुबै म्हाँया बेल्ले थेब मुँ! ताँन् म्हिमैंइ क्हिए प्ह्यागोमैं न्होंर ग्वार योंम्।
क्हिजी पिंसिन् ङिइ म्रेंन्ले चल् योंइमुँ, स्यों धोंले खोंयोंन् बिलै युरिबै आशिकइ क्हिजी ङिलाइ प्लिंमिंइमुँ।
ङए फिर ल्हयो खमिंन्, ओ परमेश्वर, ल्हयो खमिंन्! क्हिए प्हलेर्न ग्वार योंबर ङ खइमुँ; चु दु:ख पिंबै सैंमैं आस्योवान् समा क्हिए प्ह्यागोंए न्होंर्न ङइ ग्वार योंब्मुँ।
ङए ल्हागिर तोन्दोंरि लमिंबै ताँन् भन्दा थेबै परमेश्वरनेन् ङइ ग्वार ह्रिइमुँ।
खोंयोंन् बिलै क्हिए तम्बुर ङलाइ टिल् पिंन्! क्हिए प्ह्यागोंमैंइ ङए रक्षा लद्। तिस्याँदे मैंन्
तलेबिस्याँ ओ परमेश्वर, क्हिने बालु ङइ फैबै भकलमैं क्हिजी थेइमुँ; क्हिलाइ मान लब्मैंइ योंल् त्हुबै सैमैं क्हिजी ङलाज्यै या पिंइमुँ।
तलेबिस्याँ क्हिजी ङ ल्होमिंइमुँ, छतसि ङ क्हिए प्ह्यागोंमैंए छरि न्होंर सैं तोंसि क्वे प्रिंमुँ।
ताँन् भन्दा थेबै परमेश्वरने ग्वार ह्रिबै म्हि तोन्दोंरि लल् खाँबै परमेश्वरए छरि न्होंर टिरिब्मुँ।
खीजी ह्रोंसए प्ह्यागोंइ क्हिलाइ हुमिंब्मुँ, धै खीए प्ह्यागों न्होंर क्हिइ ग्वार योंब्मुँ; खी भर लल् खाँबै परमेश्वर ग, छतसि ढाल तसि खीजी क्हिलाइ रक्षा लमिंम्।
ङइ बिबै ताँमैं ङिंस्याँ क्हिए छ्ह छ्याँब तब्मुँ; क्हिए मि फुँ जोगेब् धोंले ङए अर्तिमैं जोगेसि थेंन्।
“ओ यरूशलेमथेंमैं, अगमबक्तामैं सैब्मैं, धै परमेश्वरजी कुल्मिंबै स्यार्बोमैं युँमाइ प्रिंब्मैं। नगा आमाइ प्हसेंमैं प्ह्या न्होंर हुब् धोंले ल्हें खे ङइ क्हेमैंलाइ हुल् म्हैइ, दिलेया क्हेमैं ङ ङाँर खोंयोंइ या खल् आङिं!
झाइले येशूजी बिइ, “यरूशलेमथेंमैं, ओ यरूशलेमथेंमैं, क्हेमैंइ अगमबक्तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्ह्याइ हुब् धोंले ङइ ल्हें खे क्हेमैंलाइ हुल् म्हैइ, दिलेया क्हेमैं आङिं।
छले छ्याँबै के लबइले क्हिए फिर इस्राएलए परमेश्वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”
