भजनमैं 17:14 - परमेश्‍वरए ताँ तमु क्युइर

¹⁴ ओ याहवेह, च म्हिमैंइ चु ह्‍युलर्बै सै मत्त्रे म्हैम्, क्हिए योजी च म्हिमैं ङाँइँले ङ जोगेमिंन्। क्हिजी खोबै म्हिमैंलाइ बिस्याँ, क्हिजी चल् पिंम्, चमैंए च्ह-च्हमिमैंए ल्हागिरै या तोन्दोंरि योल्‍ले-ख्युल्‍ले पिंमुँ, धै खेंमैंए प्हसेमैंए ल्हागिर चमैंइ ल्हें सै न्होर साँथेंइमुँ।

भजनमैं 17:14 ပူးပေါင်းရင်းမြစ်များ

भजनमैं 39:6

म्हिमैं छरि धोंलेन् म्हयाम्। म्हिमैंइ फाक्‍कर्बै केमैं लप्ररिम्! चइ ल्हें सै न्होर खागु लमुँ दिलेया च खाबल् तनेमुँ चइ आसे!

भजनमैं 73:12

दुष्‍टमैं छाब तम्: चमैं खोंयोंइ न्हुँ आल, चमैंए सै न्होर ल्हें तरिम्।

हितोपदेश 2:4

चाँदि धोंले क्हिइ च म्हैस्याँ, लोथेंबै सै न्होर म्हैब् धोंले चलाइ म्हैस्याँ,

मत्ती 13:44

“स्‍वर्गर्बै ग्याल्स म्रोंर पाथेंबै सै न्होर धोंन् तब् ग। म्‍हि घ्रिइ च योंसि लोथेंम्, धै च सैं तोंदै ह्‍यासि ह्रोंसने मुँबै तोन्दोंरि सै चुँसि च म्रों किंम्।

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

लूका 16:8

“च बेमान लबै नाइकेइ छले असामिमैंए छे च्युगुदे लमिंइ बिब् सेसि च क्‍ल्‍हेइ नाइके बाठो मुँन बिसि सेइ। तलेबिस्याँ चु ह्‍युलर्बै म्‍हिमैंइ ह्रोंसए थुमैंने के लमा चारबै ह्‍वे योंबै परमेश्‍वरए सन्तानमैं भन्दा बेल्‍ले बाठो तम्।

यूहन्‍ना 15:19

क्‍हेमैं चु ह्‍युलर्बै आङिं, क्हेमैं चु ह्‍युलर्बै ङिंस्याँम् ह्‍युलर्बै म्हिमैंइ क्हेमैं ह्रोंसल धों ङ्हाँसि म्हाँया लमल। ङइ क्हेमैं चु ह्‍युलउँइँले त्हाँइ। छतसि ह्‍युलर्बै म्हिमैंइ क्हेमैंलाइ हेल लम्।

यूहन्‍ना 17:14

ङइ चमैंलाइ क्‍हिए ताँ लोमिंइ। ङ ह्‍युलर्बै आङिंब् धोंले चमैं या चु ह्‍युलर्बै आङिं। छतसि चु ह्‍युलर्बै म्हिमैंइ चमैं हेल् लम्।

यूहन्‍ना 8:23

धबै येशूजी चमैंने बिइ, “क्‍हेमैं न्होंउँइँबै ग। ङ क्‍होउँइँबै ग। क्‍हेमैं चु ह्‍युलर्बै ग। ङ चु ह्‍युलर्बै आङिं।

याकूब 5:5

क्‍हेमैं चु पृथ्‍बीर बेल्‍ले सयल थोसि सैंर मैंब् धोंले छ्ह थोइमुँ। ख्रो पिंबै त्हिंइर सैबै ल्हागिर छोल्‍ले न्‍हथेंबै क्यु धोंले क्‍हेमैं छोइमुँ।