भजनमैं 16:7 - परमेश्‍वरए ताँ तमु क्युइर

⁷ ङलाइ लोदा सैंदा लबै याहवेहए मिं ङ थेब् लब्मुँ, ङए खोंइ म्हुँइँसरै या ङलाइ लोदा सैंदा लम्।

भजनमैं 16:7 ပူးပေါင်းရင်းမြစ်များ

भजनमैं 119:148

क्हिजी फैबै बाछाए ताँमैं मैंबै ल्हागिर म्हुँइँस तिरो ङ न्हरु आख।

भजनमैं 119:55

ओ याहवेह म्हुँसरैया ङ क्हिलाइन मैंरिमुँ, धै क्हिए ठिमइ बिब् धोंलेन् ङइ लरिम्।

भजनमैं 119:7

क्हिए ठिक ठिममैं लोसि ङए छ्याँबै सैंइ क्हिए मिं थेब् लब्मुँ।

भजनमैं 17:3

क्हिजी ङए खोंर तोइ आछ्याँबै सै मुँ उ? बिसि म्हैलै या धै म्हुँइँसरै या ङए जाँच ललेया या ङए खों न्होंर क्हिजी आछ्याँबै सै तोइ योंरिब् आरे। ङए सुँइ पोंबै ताँइ खाबलाज्यै या सैं नल् लरिब् आरे बिसि ङइ मैंइमुँ।

भजनमैं 22:2

ओ ङए परमेश्‍वर, ङइ त्हिंइ ह्रोंसे क्हिए मिंन् किंइमुँ, म्हुँइँस ह्रोंसे या क्हिनेन् ग्वार ह्रिइमुँ छान् ललेया ङ छिं आङ्हाँइमुँ।

भजनमैं 42:8

दिलेया याहवेहए खोंयोंइ आनुबै म्हाँया त्हिंयाँर ङने तमुँ, धै म्हुँइँसर खीए मिंर भजनमैं प्रिंसि ङलाइ छ्ह पिंबै परमेश्‍वरने ङइ प्राथना लम्।

भजनमैं 63:6

रोबै क्‍ल्‍ह्‍योर ङइ क्हिलाइन मैंम्, धै म्हुँइँस तिमिंन् ङ क्हिलाइन मैंरिम्,

भजनमैं 73:21

ङए सैंर दुःख तल, ङए सैं ककाँ क्युँ-क्युँ ङ्हाँल,

भजनमैं 73:24

क्हिजी सल्‍ला पिंसि ङलाइ डोरेमिंम्, धै लिउँइँ ङ क्हि ङाँर मान योंबै क्ल्ह्‍योर बोब्मुँ।

भजनमैं 77:2

दुःख योंबै त्हेर ङइ प्रभु म्हैम्; ङइ आनारल्‍ले म्हुँइँस तिमिंन् ङए यो स्योंइ; परमेश्‍वरजी आल्होमिंन् समा ङ छिं आङ्हाँ।

भजनमैं 77:6

म्हुँइँसर ङइ ह्रोंसए क्वेमैं मैंइ; तले जा बिसि ङइ सैंर मैंल। धै ङए सैंइ चु ताँमैं ङ्योलु-च्युलु लइ:

हितोपदेश 8:14

छ्याँबै सल्‍ला नेरो ठिक बुद्धि ङउँइँलेन् खम्, ङने क्होल् खाँबै शक्‍ति नेरो भों मुँ।

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।