भजनमैं 16:1 - परमेश्‍वरए ताँ तमु क्युइर

¹ ओ परमेश्‍वर, ङ जोगेमिंन्, तलेबिस्याँ ङ क्हिए प्हलेर ग्वार योंबर खइमुँ।

भजनमैं 16:1 ပူးပေါင်းရင်းမြစ်များ

भजनमैं 116:6

याहवेहजी आह्र आसेब्मैंलाइ रक्षा लम्; ङए भों नुयाबै त्हेरैया खीजी ङ जोगेमिंइ।

भजनमैं 125:1

याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्।

भजनमैं 146:5

याकूबए परमेश्‍वरजी ल्होमिंबै म्हिइ आशिक योंम्, ह्रोंसए याहवेह परमेश्‍वरने चइ आशा लम्।

भजनमैं 17:5

क्हिजी प्रद् बिबै घ्याँर ङए प्हलेइ भोंन्‍ले म्हैमुँ, धै ङए प्हले आप्लेइमुँ।

भजनमैं 17:8

क्हिए मिफुँ धोंले ङ जोगेसि थेंमिंन्।

भजनमैं 22:8

“याहवेहजीन् जोगेमिंम् बिसि खीए फिर्न चइ भर लम्। च म्रोंसि याहवेह सैं तोंम्, छतसि खीजीन् चलाइ जोगेमिंरिगे,” बिसि चमैंइ ङलाइ प्ह्रम्।

भजनमैं 25:20

ङए रक्षा लमिंन् धै ङलाइ जोगेमिंन्! ङ फा फिल् आत्हुरिगे, तलेबिस्याँ ङ क्हिए प्हलेर ग्वार योंबर खइमुँ।

भजनमैं 31:23

ओ खीए ताँन् म्हिमैं, याहवेहलाइ म्हाँया लद्! खीए फिर बिश्‍वास लब्मैंलाइ याहवेहजी रक्षा लम्, दिलेया थेब् प्हैंब्मैंलाइ बिस्याँ खीजी पिंल् त्हुबै दण्ड पिंम्।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 56:1

ओ परमेश्‍वर, ङए फिर दयाम्हाँया लमिंन्, तलेबिस्याँ त्हिंइतिमिन् म्हिमैं ङने नेबर खम्; धै चमैंइ ङलाइ ह्रुगुदिम्।

भजनमैं 60:1

ओ परमेश्‍वर, क्हिजी ङि पिवाइमुँ, क्हिजी ङि सग्याँ-प्हुँग्या लवाइमुँ; ङि म्रोंसि क्हि ह्रिस खइमुँ, दिलेया तारेम् क्हि ङि ङाँइ तोमिंनु।

भजनमैं 7:1

ओ ङए याहवेह परमेश्‍वर, ङ ग्वार योंबर क्हिए प्हलेर्न खमुँ; ङलाइ दुःख पिंबर ल्हाखब्मैं ताँनउँइँले ङ जोगेमिंन् धै फ्रेमिंन्।

भजनमैं 7:2

क्हिजी आजोगेमिंस्याँ चमैंइ सिंहइ धोंले ङ रुएवाब्मुँ, धै ङलाइ फ्रेमिंबै म्हि खाबै आरेमा चमैंइ ङ कुदु-कुदु लवाब्मुँ।

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

भजनमैं 9:10

क्हिलाइ ङो सेब्मैंइ क्हिए फिर्न भर लम्; तलेबिस्याँ ओ याहवेह, क्हिलाइ म्हैब्मैंलाइ क्हिजी खोंयोंइ पिरिब् आरे।

भजनमैं 97:10

याहवेहने म्हाँया लब्मैं ताँनइ आछ्याँबै केमैं लब पिवारिगे! तलेबिस्याँ खीजी ह्रोंसए म्हिमैंलाइ रक्षा लमिंम्; धै दुष्‍टमैंए योउँइँले चमैं फ्रेमिंम्।

हितोपदेश 2:8

तलेबिस्याँ खीजी ठिक के लब्मैंलाइ छ्याँबै घ्याँर डोरेब्मुँ, धै खीए फिर भर थेंब्मैंलाइ रक्षा लम्।

२ कोरिन्थी 1:9

तारेम् च्हगन् तइ ङिम् सिबन् मुँन बिब् समन् ङिइ मैंयाल। दिलेया ङिइ ह्रोंसए फिर भर आलरिगे बरु सिब्‍मैंलाइ सोगों लमिंबै परमेश्‍वरए फिर भर लरिगे बिसि छ तब् मुँन।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।