भजनमैं 150:6 - परमेश्‍वरए ताँ तमु क्युइर

⁶ सो प्ह्‍याबै ताँन् सैमैंइ याहवेहए मिं क्वेरिगे! हल्‍लेलूयाह! याहवेहए मिं थेब् लद्!

भजनमैं 150:6 ပူးပေါင်းရင်းမြစ်များ

भजनमैं 103:22

ओ खीजी बनेबै तोंन्दोरि सैमैं, खीजी ग्याल्स लबै ताँन् क्ल्ह्‍योर, याहवेहए मिं क्वेद्! ओ ङए सो, याहवेहए मिं क्वेद्!

भजनमैं 145:10

ओ याहवेह, क्हिजी बनेबै तोन्दोंरि सैमैंइ क्हिलाइन धन्यबाद पिंब्मुँ, धै क्हिए म्हिमैंइ क्हिए मिं क्वेब्मुँ!

भजनमैं 145:21

ङए सुँइ याहवेहए मिं थेब् लसि पोंब्मुँ। सो प्ह्‍याबै तोन्दोंरि सैमैंइ खोंयोंन् बिलै खीए पबित्र मिं थेब् लरिगे।

भजनमैं 148:13

चुमैं ताँनइ याहवेहए मिं थेब् लरिगे, तलेबिस्याँ खीए मिं मत्‍त्रे थेब मुँ; पृथ्बी नेरो मु भन्दा याहवेह थेब मुँ।

भजनमैं 68:5

ह्रोंसए पबित्र क्‍ल्‍ह्‍योर टिबै परमेश्‍वर आबा आरेब्मैंए आबा ग, धै खीजी म्हरेस्योमैंलाइ रक्षा लमिंम्।

दर्शन 5:13

छलेन स्‍वर्गर, पृथ्‍बीर, क्रोंर, मा ङ्युँइर, खन्तोंदोंन् मुँबै सो प्ह्‍याबै सैमैंइ “राजगद्दिर क्हुँबै परमेश्‍वर नेरो क्‍यु च्हजलाइ धन्‍यबाद, थेबै मान नेरो भों खोंयोंन् बिलै तरिगे।” बिसि क्वे प्रिंब ङइ थेइ।